ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରସ୍ୱତୀ ଶିଶୁ ବିଦ୍ୟାମନ୍ଦିର ଠାରେ ଆସନ୍ତା ୩୦ ଏପ୍ରିଲରୁ ମଇ ୧୦ ତାରିଖ ପର୍ଯ୍ୟନ୍ତ ହେବାକୁ ଥିବା ୧୦ ଦିନିଆ ପ୍ରାଥମିକ ଆଚାର୍ଯ୍ୟ ପ୍ରଶିକ୍ଷଣ ପାଇଁ ଆଜି ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପ୍ରଧାନ ଆଚାର୍ଯ୍ୟ ଚୈତନ୍ୟ ଭୋଇ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ । ପଶ୍ଚିମ ସଂଭାଗ ସଂଯୋଜକ ତଥା ପ୍ରାନ୍ତ ଶିକ୍ଷା ପରିଷଦର ସହ ପ୍ରମୁଖ ଜ୍ୟୋତି ରଞ୍ଜନ ମିଶ୍ର ଯୋଗଦେଇ ବ୍ୟବସ୍ଥା ଦୃଷ୍ଟିରୁ କିପରି ପ୍ରଶିକ୍ଷଣକୁ ସୂଚାରୁରୂପେ ସଫଳ କରାଯିବ ସେ ବିଷୟରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରିଥିଲେ । ବରଗଡ଼ ବିଭାଗ ନିରୀକ୍ଷକ ତଥା ପଶ୍ଚିମ ସଂଭାଗ ସହ ସଂଯୋଜକ ଗୁପ୍ତେଶ୍ୱର ଥନାପତି ମାର୍ଗ ଦର୍ଶନ କରିଥିଲେ । ଏହି ପ୍ରଶିକ୍ଷଣରେ ବରଗଡ଼, ସମ୍ବଲପୁର, ଝାରସୁଗୁଡ଼ା, ସୁନ୍ଦରଗଡ଼, ଦେବଗଡ ଏହିପରି ୫ଟି ଜିଲ୍ଲାରୁ ପ୍ରାୟ ୨୫୦ରୁ ୩୦୦ ଜଣ ଶିକ୍ଷାର୍ଥୀ ସମେତ ୫୦ ଜଣ ପ୍ରଶିକ୍ଷକ ଯୋଗଦେବାର ସ୍ଥିରିକୃତ ହୋଇଥିଲା । ପରିଶେଷରେ ପ୍ରଧାନ ଆଚାର୍ଯ୍ୟ ଚୈତନ୍ୟ ଭୋଇ ଧନ୍ୟବାଦ ଅର୍ପଣ କରିଥିଲେ । ବୈଠକରେ ସରସ୍ଵତୀ ଶିଶୁ ବିଦ୍ୟାମନ୍ଦିର, ପଦ୍ମପୁରର ସମସ୍ତ ଗୁରୁଜୀ ଗୁରୁମା ଅଂଶ ଗ୍ରହଣ କରିଥିଲେ ।