ବଲାଙ୍ଗିର, (କେପିଏନ୍ଏସ୍) : ତହଁକ କୁଟୁମ ତରଫରୁ ବୀର ସୁରେନ୍ଦ୍ର ସାଏ ଓ ନେତାଜୀଙ୍କ ଜନ୍ମ ଜୟନ୍ତୀ ପାଳନ ଅବସରରେ କୋଶଲି କବିତା ଆସର ତହଁକ କବିତାସାଲ୍, ବଲାଙ୍ଗିର ଠାରେ ଅନୁଷ୍ଠିତ ହୋଇଯାଇଛି । ତହଁକର ମୁଖ୍ୟ ସଂପାଦକ ଅର୍ଜୁନ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ବିଶିଷ୍ଟ ପୂରାଣ ଗାୟକ ଶ୍ରିୟାକାନ୍ତ ଦାସ୍ ଅତିଥିଭାବେ ଯୋଗଦେଇ ବୀର ସୁରେନ୍ଦ୍ର ସାଏଙ୍କ ସଂଗ୍ରାମୀ ଜୀବନ ବିଷୟରେ ଆଲୋକପାତ କରିଥିଲେ । ତହଁକର ସଂପାଦକ ରାଜେଶ ଦଣ୍ଡସେନା ବୀର ସାଏଙ୍କ ଜୀବନି ଉପରେ ସ୍ୱରଚିତ କବିତା ଗାନ କରିବା ସହ ତାଙ୍କ ବୀରତ୍ୱର ଗାଥା କହିଥିଲେ । କବି ଗରିବ ମଲ୍ଲିକ, ଗିରିଶ ପାତ୍ର, ଶାଲିନି ସା, ଧରିତ୍ରୀ ସାହୁ ପ୍ରମୁଖ ଯୋଗଦେଇ କୋଶଲି କବିତା ପଠନ କରିଥିଲେ । କବି ମିଲନ ପଣ୍ଡା ଏହି କାର୍ଯ୍ୟକ୍ରମ ସଂଯୋଜନା କରିଥିବା ବେଳେ କବି ଭରତ ମେହେର ଧନ୍ୟବାଦ ଅର୍ପଣ କରିଥିଲେ ।