ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ବ୍ଲକ ଅନ୍ତର୍ଗତ ଦହିତା ନେତାଜୀ କ୍ଲବ୍ ପକ୍ଷରୁ ପ୍ରତିବର୍ଷ ଭଳି ଚଳିତ ବର୍ଷ ନେତାଜୀ ସୁଭାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ଜୟନ୍ତୀ ପାଳିତ ହୋଇଯାଇଛି । କ୍ଲବ୍ ପରିସରରେ ଆୟୋଜିତ ଉତ୍ସବରେ ସଭାପତି ସରୋଜ ପାଣିଗ୍ରାହୀ, ଜିଲ୍ଲା ପରିଷଦ ସଭ୍ୟ ମକରଧ୍ୱଜ ବଗାର, ପୂର୍ବତନ ସଭାପତି ଦାଶରଥି ହୋତା, ସଂପାଦକ ଅନନ୍ତ ପାଣିଗ୍ରାହୀ, କ୍ଲବ୍ର ସମସ୍ତ କର୍ମକର୍ତ୍ତା ଏବଂ ସଦସ୍ୟଗଣ ଉପସ୍ଥିତ ରହି ଉଭୟ ବରପୁତ୍ରଙ୍କ ଫଟୋଚିତ୍ରରେ ମାଲ୍ୟାର୍ପଣ କରିଥିଲେ । ଏ ଅବସରରେ ତ୍ରିଲୋଚନ ନେତ୍ରାଳୟ ସମ୍ବଲପୁରଙ୍କ ସହଯୋଗରେ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଥିଲା । ଏଥିରେ ୧୨୮ ଜଣଙ୍କ ଚକ୍ଷୁ ପରୀକ୍ଷା କରାଯାଇ ୨୦ ଜଣଙ୍କୁ ଅପରେସନ ପାଇଁ ଚିହ୍ନଟ କରାଯାଇଛି । ଏ ସମସ୍ତେଙ୍କୁ ମାଗଣାରେ ଅପରେସନ କରିବା ପାଇଁ ବ୍ୟବସ୍ଥା ରହିଛି । ତ୍ରିଲୋଚନ ନେତ୍ରାଳୟ ପକ୍ଷରୁ ଡ଼ା. ଇନ୍ଦ୍ରାଣୀ ପଟେଲ, ସୁନନ୍ଦା ତିଲା, ରୁନୁ ମଟାରୀ, ସୀମା ଦୀପ, ଚୈତନ୍ୟ ଶିକା ଏବଂ ସୁମନ୍ତ ପ୍ରଧାନ ଶିବିର ପରିଚାଳନା କରିଥିଲେ । ଦେବରାଜ ମେହେର, ସନ୍ତୋଷ ରଣା, ସୁବଳ ସାହୁ, ନୀତେଶ ବାଗ, ସଞ୍ଜୟ ସାହୁ, ପଟୁ ବାରିକ, ଚନ୍ଦ୍ରଭାନୁ ମେହେର, ବାସୁଦେବ ପାଣିଗ୍ରାହୀ, କିଶୋର ଭୋଇ, ଦେବେନ୍ଦ୍ର ନାୟକ, ସୁଦର୍ଶନ ମେହେର, ପ୍ରମୋଦ ମେହେର, ନୀଳ ସାହୁ, ସୁବାଷ ରଣା, ଅର୍ଜୁନ ମେହେର ପ୍ରମୁଖ ସହଯୋଗ କରିଥିଲେ ।