ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ଠାରେ ଅବସ୍ଥାପିତ ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ ନୂତନ ଉପ-ଜିଲ୍ଲାପାଳ ଭାବେ ଶିବାଶିଷ ବରାଳ ବୁଧବାର ଦାୟିତ୍ୱ ଗ୍ରହଣ କରିଛନ୍ତି । ସେ ୨୦୧୫ ମସିହା ବ୍ୟାଚ୍ର ଓ.ଏ.ଏସ୍. ଅଟନ୍ତି । ସେ ପ୍ରଥମ ଥର ପାଇଁ ଓଡିଶାର କରଞ୍ଜିଆ ବ୍ଲକ୍ କାର୍ଯ୍ୟାଳୟରେ ପ୍ରଥମେ ବିଡିଓ ଭାବେ ଦାୟିତ୍ଵ ନିର୍ବାହ କରିଥିବା ବେଳେ ଏଥି ପୂର୍ବରୁ ଗଞ୍ଜାମ ଜିଲ୍ଲାର ଶେରଗଡ଼ ବ୍ଲକ୍ ଅଫିସରେ ମଧ୍ୟ ବିଡ଼ିଓ ଭାବେ ଦାୟିତ୍ଵ ନିର୍ବାହ କରି ଆସିଥିଲେ ବୋଲି ସରକାରୀ ଭାବେ କୁହାଯାଏ । ଛତ୍ରପୁର ଉପଖଣ୍ଡ ଅଧିନରେ ସମସ୍ତ ସରକାରଙ୍କ ଜନହିତକର କାର୍ଯ୍ୟ କରିବା, ଛତ୍ରପୁର ସହରାଞ୍ଚଳର ଲୋକଙ୍କ ସେବା ଯେପରି ଶୃଙ୍ଖଳିତ ଭାବେ ପରିଚାଳିତ ହେବ ବୋଲି ପ୍ରଶାସନକୁ ଜନସାଧାରଣ ଅନୁରୋଧ କରିଛନ୍ତି । ଛତ୍ରପୁର ସବ-ଡିଭିଜନସ୍ତରରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ହାତକୁ ନେଇ ଉନ୍ନତି କରିବା ଦିଗରେ ପ୍ରାଥମିକତା ଦେଇ ପଦକ୍ଷେପ ଗ୍ରହଣ କରିବେ ବୋଲି ଜନସାଧାରଣଙ୍କ ତରଫରୁ ଆଶା କରାଯାଉଛି ।