ସ୍କାଉଟ ଗାଇଡ଼ ପକ୍ଷରୁ ଅସହାୟଙ୍କୁ କମ୍ବଳ ବିତରଣ

ବଡ଼ଗାଁ, (ଅଶୋକ ଷଡ଼ଙ୍ଗୀ) : ସୁନ୍ଦରଗଡ ଜିଲ୍ଲା ବଡ଼ଗାଁ ବ୍ଲକ ସ୍କାଉଟ ଗାଇଡ଼ ରାଜ୍ୟ ତାଲିମ କେନ୍ଦ୍ରର ଛାତ୍ରଛାତ୍ରୀ ମାନଙ୍କ ପକ୍ଷରୁ ମଙ୍ଗଳବାର ଗରିବ ଅସହାୟ ମାନଙ୍କୁ କମ୍ବଳ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବଡ଼ଗାଁ ଥାନା ପରିସରରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ବଡ଼ଗାଁ ଥାନା ଆଇଆଇସି ଆଶିଷ କୁମାର ଜେନା ମୁଖ୍ୟ ଅତିଥି ଭାବେ ଯୋଗଦେଇ କମ୍ବଳ ବିତରଣ କରିଥଲେ । ସ୍କାଉଟ ଗାଇଡ଼ ମୁଖ୍ୟାଳୟର କମିଶନର ଡଃ. ଅରୁଣ କୁମାର ନାୟକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏହି ସେବାମୂଳକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ୩୫ ଜଣଙ୍କୁ କମ୍ବଳ ବିତରଣ କରାଯାଇଥିଲା । ଅନ୍ୟତମ ଅତିଥି ଭାବରେ ବଡ଼ଗାଁ ଥାନା ଏଏସ୍‌ଆଇ ଅରୁପାନନ୍ଦ ଦାସ, ଏଏସ୍‌ଆଇ ଶ୍ରୀକାନ୍ତ ପଣ୍ଡା, ବଡ଼ଗାଁ ଆଇଟିଆଇ ପ୍ରିନସିପାଲ ସାଗରିକା ନାଏକ, ଭାଇସ ପ୍ରିନ୍ସିପାଲ୍ ସୁଶୀଲ ନାଏକ ଅଂଶଗ୍ରହଣ କରିଥିଲେ । ମୁଖ୍ୟାଳୟ କମିଶନର ଡକ୍ଟର ନାୟକ ବଡ଼ଗାଁ ସ୍କାଉଟ ଗାଇଡ଼ ରାଜ୍ୟ ତାଲିମ କେନ୍ଦ୍ରର ବିଭିନ୍ନ କାର୍ଯ୍ୟକ୍ରମ ବିଷୟରେ ଆଲୋଚନା କରିଥିଲେ । ଏଥିରେ ବଡ଼ଗାଁ ସ୍କାଉଟ ଗାଇଡ଼ ରାଜ୍ୟ ତାଲିମ କେନ୍ଦ୍ରର ସ୍କାଉଟ ମାଷ୍ଟର ସୌରଭ ପଣ୍ଡା, ରେଞ୍ଜର ଲିଡର ସରିବା କମାର, ତୁରତୀ ବଡାଇକଙ୍କ ସହିତ କର୍ମକର୍ତ୍ତା ମାନେ ଅଂଶଗ୍ରହଣ କରିଥିଲେ ।