ବାବା ବିଶ୍ୱନାଥ ମନ୍ଦିର ସର୍ଗୁଲରେ ସତସଙ୍ଗ କାର୍ଯ୍ୟକ୍ରମ

ଡୁଙ୍ଗୁରିପାଲି, (କେପିଏନ୍‌ଏସ୍‌) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସର୍ଗୁଲ ଗ୍ରାମର କଙ୍କରାଜୁରୀ ସ୍ଥିତ ବାବା ବିଶ୍ୱନାଥ ମନ୍ଦିରରେ ମାସିକ ସତସଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉଦ୍ଧବ ମହାକୁରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ବାବା କରୁଣାକର ଦାସ ମୁଖ୍ୟ ଅତିଥିଭାବେ ମଂଚାସୀନ ଥିଲେ । ବରଗଡ଼ ଜିଲ୍ଲା ଖଣ୍ଡହତା ନିବାସୀ ରମେଶ ଦାଶ ଭଗବାନଙ୍କ ଅମୃତବାଣୀ ଶୁଣାଇ ଭକ୍ତିମୟ ପରିବେଶ ସୃଷ୍ଟି କରିଥିଲେ । ସର୍ଗୁଲ ଗ୍ରାମର ନବକୁମାର ବାରିକ ଓ ହେମନନ୍ଦିନୀ ବାରିକ ସପତ୍ନୀକ କର୍ତ୍ତା ଦାୟିତ୍ୱ ତୁଳାଇଥିଲେ । ଭୀଷ୍ମଦେବ ସାହୁ, ହୃଷିକେଶ ରଣା, ରାଜେନ୍ଦ୍ର ଦାଶ,ପରମେ ସେଠୀ ସହଯୋଗ କରିଥିଲେ । ଅଂଚଳର ବିଭିନ୍ନ ଗ୍ରାମର ଭକ୍ତିରସ ପିପାସୁ ଯୋଗଦେଇ କଥାମୃତ ପାନ କରିଥିଲେ । ଶେଷରେ ସତସଙ୍ଗ କମିଟି ସମ୍ପାଦକ ରମାକାନ୍ତ ବହିଦାର ଧନ୍ୟବାଦ ଅର୍ପଣ କରିଥିଲେ ।