ମା’ ରାମଚଣ୍ଡୀ ଟ୍ରଷ୍ଟ ଓ ପୂଜା କମିଟି ପକ୍ଷରୁ ପୀଠ ପ୍ରାଙ୍ଗଣରେ କ୍ରୀଡ଼ାବିତ୍ ଦୂତି ଚାନ୍ଦଙ୍କୁ ଭବ୍ୟ ସମ୍ବର୍ଦ୍ଧନା ଜ୍ଞାପନ

ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଭାରତର କ୍ରୀଡା ଜଗତର ପ୍ରତିଭା ସମ୍ପନ୍ନ ଖେଳାଳି ଅଲମ୍ପିକ ପଦକ ବିଜେତା ଓ ଅର୍ଜୁନ ପୁରସ୍କାର ପ୍ରାପ୍ତ ଆନ୍ତର୍ଜାତୀୟ ଧାବିକା ଦୂତି ଚାନ୍ଦଙ୍କୁ ମା’ ରାମଚଣ୍ଡୀ ଟ୍ରଷ୍ଟ ଓ ପୂଜା କମିଟି ପକ୍ଷରୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ପ୍ରସିଦ୍ଧ ଶକ୍ତିପୀଠ ପରିଦର୍ଶନରେ ଆସି ମା’ ରାମଚଣ୍ଡୀଙ୍କ ଦର୍ଶନ କରି ଦୂତି ଚାନ୍ଦ ବିଭୂକୃପା ଲାଭ କରି ଅନେକ ସନ୍ତୋଷଜନକ ଭାବ ବିନିମୟ ଅନୁଭବ ପ୍ରକାଶ କରିଛନ୍ତି । ପୁଷ୍ପଗୁଚ୍ଛ ସହ ଉପଢୌକନ ପ୍ରଦାନ କରି ସମ୍ବର୍ଦ୍ଧିତ କରିବା ପୂର୍ବକ ରାମଚଣ୍ଡୀ ଦେବୀଙ୍କ ପଟ୍ଟଚିତ୍ର ଈଶ୍ୱରୀୟ ଉପହାର ପ୍ରଦାନ କରାଯାଇ ସମ୍ମାନିତ କରାଯାଇଥିଲା । ଛତ୍ରପୁର ବିଜ୍ଞାନ ମହାବିଦ୍ୟାଳୟ ଅଧ୍ୟକ୍ଷ ଡ଼ଃ. ଅଜୟ କୁମାର ତ୍ରିପାଠୀଙ୍କ ଅନୁରୋଧ କ୍ରମେ କଲେଜର ଆନୁଷ୍ଠାନିକ କ୍ରୀଡ଼ା ସମ୍ଭାରକୁ ନିମନ୍ତ୍ରଣ ସ୍ୱରୂପ ମୁଖ୍ୟଅତିଥି ହୋଇ ଆସିଥିବା ଧାବିକା ଦୂତି ଚାନ୍ଦଙ୍କୁ ରାମଚଣ୍ଡୀ ପୀଠକୁ ଅଣାଯାଇଥିଲା । ତେଣୁ ଧାବିକା ଦୂତି ଚାନ୍ଦଙ୍କୁ କୃତଜ୍ଞତା ଜ୍ଞାପନ ସହ ଅଧ୍ୟକ୍ଷ ଡ଼ଃ.ତ୍ରିପାଠୀଙ୍କୁ ସାଧୁବାଦ ଜ୍ଞାପନ କରାଯାଇଛି । ଏଥିରେ ଟ୍ରଷ୍ଟି ଲକ୍ଷ୍ମୀନୃସିଂହ ପଣ୍ଡା, ସଂଯୋଜକ କମଲ କୁମାର୍ ପଣ୍ଡା, ପୂଜା କମିଟି ଉପଦେଷ୍ଟା ତ୍ରିପତି ବାଲାଜୀ ମିଶ୍ର, ପୂଜା କମିଟି ସଭାପତି ଅଜୟ ନାୟକ, ସୁଧୀର ମହାରଣା ପ୍ରମୁଖ ଉପସ୍ଥିତ ଥିଲେ ।