ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକର ପାଇକମାଲ ଗ୍ରାମ ପଞ୍ଚାୟତରେ ସାଧନ ମିଶନ ଶକ୍ତି ବ୍ଲକ ସ୍ତରୀୟ ମହାସଂଘର ଆୟୋଜନରେ ଗ୍ରାମ ପଂଚାୟତ ସ୍ତରୀୟ ସିଲେଇ ତାଲିମ ଶିବିର ଶେଷ ହୋଇଯାଇଛି । ଉକ୍ତ ତାଲିମ ଶିବିର ଡିସେମ୍ବର ମାସର ୧୪ ତାରିଖରୁ ଆରମ୍ଭ ହୋଇ ଜାନୁଆରୀ ୧୭ ଶେଷ ହୋଇଛି । ୨ ଗୋଟି ବ୍ୟାଚରେ ୬୦ ଜଣ ମହିଳା ସିଲେଇ ଶିକ୍ଷା ଗ୍ରହଣ କରିଛନ୍ତି । ତାଲିମର ଶେଷ ଦିନରେ ପାଇକମାଲ ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ପ୍ରଫୁଲ୍ଲ ଓଡୁ ତାଲିମ ଅଂଶକାରୀ ମାନଙ୍କୁ କିପରି ସ୍ଵବଲମ୍ବୀ ହୋଇପାରିବେ ତାହା ଉପରେ ବୁଝାଇଥିଲେ । ମହାସଂଘର ସଭାନେତ୍ରୀ ଜାହ୍ନବୀ ପଟ୍ଟନାୟକ ଓ ସମ୍ପାଦିକା ହେମଲତା ସାହୁଙ୍କ ପରିଚାଳନାରେ ତାଲିମ ଚାଲୁଥିବା ବେଳେ ରିନା ସାହୁ ତାଲିମ ପ୍ରଦାନ କରିଛନ୍ତି । ତାଲିମ ଶିବିରରେ ମିଶନ ଶକ୍ତି ବ୍ଲକ ପ୍ରକଳ୍ପ ସଂଯୋଜକ ରବିଶଙ୍କର ନାଏକ, ଡିଇଓ ସଙ୍ଗୀତ ରଣା ଓ ମହାସଂଘର ସମସ୍ତ ପରିଚାଳନା କମିଟିର ସଦସ୍ୟାମାନେ ଉପସ୍ଥିତ ରହି ତାଲିମ ଅଂଶକାରୀ ମାନଙ୍କୁ ଉତ୍ସାହିତ କରିବା ସହିତ କିପରି ଆତ୍ମନିର୍ଭରଶୀଳ ହୋଇପାରିବେ ତା’ ଉପରେ ବୁଝାଇ ଥିଲେ ।
Prev Post