ବ୍ଲକ ସ୍ତରୀୟ ଦିନିକିଆ ଲୋକ ମହୋତ୍ସବ

ତୁରେକେଲା, (ପିତାମ୍ବର ଦୀପ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ତୁରେକେଲା ପରିସରରେ ବ୍ଲକ ସ୍ତରୀୟ ଦିନିକିଆ ଲୋକ ମହୋତ୍ସବ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି । ତୁରେକେଲା ବ୍ଲକ ଅଧ୍ୟକ୍ଷା ପୂଜା ବେହେରାଙ୍କ ଦ୍ଵାରା ଉଦ୍‌ଘାଟନ ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା । ସଭାରେ ତୁରେକେଲା ବ୍ଲକ ବିଡ଼ିଓ ପୂର୍ଣ୍ଣାନନ୍ଦ ପଟେଲ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ । ଏହି ଲୋକ ମହୋତ୍ସବରେ ବ୍ଲକର ମୋଟ ଶହେରୁ ଅଧିକ ଦଳ ଲୋକ କଳାକାର ଅଂଶ ଗ୍ରହଣ କରିଥିଲେ । ମହୋତ୍ସବରେ ମନୋନୀତ ଦଳ ଜିଲ୍ଲା ମହୋତ୍ସବରେ ଅଂଶ ଗ୍ରହଣ କରିବେ ବୋଲି ବିଡିଓ ଶ୍ରୀ ପଟେଲ୍ ସୂଚନା ଦେଇଥିଲେ । ମହୋତ୍ସବରେ ଅଂଶ ଗ୍ରହଣ କରିଥିବା ଦଳ ଚୟନର ଜଜ୍ ଭାବେ ହରିଶ ଚନ୍ଦ୍ର ବାରିକ, ଅମିଲ ପଟେଲ, ଭକ୍ତବନ୍ଧୁ ମେହେର, ଜଳନ୍ଧର ମହାଖୁଡ, କର୍ତ୍ତିକେଶ୍ୱର ସାହୁ ଦାୟିତ୍ୱ ତୁଲାଇଥିଲେ । ମଞ୍ଚକୁ କଳାକାର ତଥା ସାମ୍ବାଦିକ ତୁଳସୀ ଜଗତ ପରିଚାଳନା କରିଥିଲେ । ଏହି ମହୋତ୍ସବରେ ସାମ୍ବାଦିକ ଗୁରୁ ଦୟାଲ ହଂସ, ତୁଳସୀ ଜଗତ, ପୁଷ୍ପକେତୁ ବେହେରା, ରୋହନ ମହତ, ପିତାମ୍ବର ଦୀପ, କୁର୍ତିକର ବାଗ, ମୋହନ ସୁନା, କୈଳାସ ସଗ୍ରିଆଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ମହୋତ୍ସବକୁ ବ୍ଲକ ସାମାଜିକ ଅଧିକାରୀ ହେମାନନ୍ଦ ବିଶ୍ୱାଳଙ୍କ ସହ ବ୍ଲକର ସମସ୍ତ କର୍ମଚାରୀ, ପଞ୍ଚାୟତ ପ୍ରତିନିଧି ସହଯୋଗ କରିଥିଲେ ।