ଡୁଙ୍ଗୁରିପାଲି, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅଇଁଳାସାରୀ ଠାରେ ନେହେରୁ ଯୁବା କେନ୍ଦ୍ର ସୁବର୍ଣ୍ଣପୁର ଓ ଗଙ୍ଗାଧର ମେହେର ପାଠାଗାରର ମିଳିତ ଆନୁକୂଲ୍ୟରେ ସୁଶାସନ ଦିବସ ପାଳିତ ହୋଇଯାଇଛି । ପୂର୍ବତନ ପ୍ରଧାନ ମନ୍ତ୍ରୀ ଅଟଳ ବିହାରୀ ବାଜପାୟୀଙ୍କ ୧୦୦ତମ ଜନ୍ମ ଦିବସ ଉପଲକ୍ଷେ ଆୟୋଜିତ ଏହି କାର୍ଯ୍ୟକ୍ରମରେ ଶୁଭଲାଲ ସାହୁ ସଭାପତିତ୍ୱ କରିଥିଲେ । ଅବସର ପ୍ରାପ୍ତ ଶିକ୍ଷକ ଜୟକୃଷ୍ଣ ପଧାନ ମୁଖ୍ୟ ଅତିଥିଭାବେ ଯୋଗଦେଇ ସୁଶାସନ ଦିବସ ପାଳନର ତାତ୍ପର୍ଯ୍ୟ ବିଷୟରେ ଆଲୋଚନା କରିବା ସହିତ ସମସ୍ତ ଯୁବ ସମାଜର ଦାୟିତ୍ୱ ଓ କର୍ତବ୍ୟ ବିଷୟରେ ଆଲୋକପାତ କରିଥିଲେ । ଡୁଙ୍ଗୁରିପାଲି ବ୍ଲକର ବିଭିନ୍ନ କ୍ଲବର ସଦସ୍ୟ,ସଦସ୍ୟା ଓ ଛାତ୍ରଛାତ୍ରୀମାନେ ସଚେତନତା ଶୋଭାଯାତ୍ରା ଓ ଆଲୋଚନାରେ ଅଂଶ ଗ୍ରହଣ କରିଥିଲେ । ପାଠାଗାରର ସଦସ୍ୟ ଜ୍ଞାନଦେବ ଭୁକ୍ତା, ଅନିରୁଦ୍ଧ ଗଡତିଆ, ହିମାଂଶୁ ଅଦାବର, ସୂର୍ଯ୍ୟଭାନୁ ବଣିଆ, ପ୍ରମୋଦ ଜାଲ, ଦିନେଶ ପଧାନ, ବିନୟ ବିଭାର, ଭାଗିରଥି ଗଡତିଆ ସହଯୋଗ କରିଥିଲେ । ଶେଷରେ ସମ୍ପାଦକ ନରେନ୍ଦ୍ର ପୁରୋହିତ ଧନ୍ୟବାଦ ଅର୍ପଣ କରିଥିଲେ ।