ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଚମାର ମେହେର ହାଇସ୍କୁଲ ଠାରେ ନିମ୍ନ ଇନ୍ଦ୍ର ଜଳ ସେଚନ କେନାଲ ବିଭାଜନ ନଂ – ୦୩ ଜଳ ସମ୍ପଦ ବିଭାଗ ପକ୍ଷରୁ ବିଭାଜନ ସ୍ତରୀୟ ପାଣି ପଞ୍ଚାୟତ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଚମାର ମେହେର ହାଇସ୍କୁଲର ପ୍ରଧାନଶିକ୍ଷକ ପଙ୍କଜ ମେହେର ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ବଙ୍ଗୋମୁଣ୍ଡା ବିଇଓ ବୈକୁଣ୍ଠ ନାଥ ଶବର , ସମ୍ମାନୀୟ ଅତିଥିଭାବେ ଏବିଇଓ ଅରୁଣ ଯୋଶୀ, ଅକ୍ଷୟ ମଙ୍ଗରାଜ, ଚୈତନ୍ୟ ଧରୁଆ, ଏସଡିଓ ରାଧେଶ୍ୟାମ ମେହେର, କେଶବ ଚନ୍ଦ୍ର ସିଂ ପ୍ରମୁଖ ଅତିଥିଭାବେ ଯୋଗଦେଇଥିଲେ । ବଙ୍ଗୋମୁଣ୍ଡା ସିଆରସିସି ଜିତାମିତ୍ର ବିଶି ସଭା ସଂଯୋଜନା କରିଥିଲେ । ଏଥିରେ ବକ୍ତୃତା, ପ୍ରବନ୍ଧ, କୁଇଜ, ଚିତ୍ରାଙ୍କନ, ବିଜ୍ଞାନ ପ୍ରକଳ୍ପ ପ୍ରଦର୍ଶନ କରାଯାଇଥିଲା । ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତି ଛାତ୍ରଛାତ୍ରୀଙ୍କୁ ଅତିଥିଙ୍କ ଦ୍ୱାରା ଆଗାମୀ ୨୨ ତାରିଖ ଦିନ ପକ୍ଷ ପାଳନ କାର୍ଯ୍ୟକ୍ରମରେ ପୁରସ୍କୃତ କରାଯିବ ବୋଲି ଜଣାପଡିଛି । ଏହି କାର୍ଯ୍ୟକ୍ରମରେ ସିଆରସିସି ନଲ ଭୋଇ, ହରପ୍ରସାଦ ମାଝୀ, ବିମଲ ଛୁରା, ନରେଶ ମାଝୀ, ରଘୁମଣି ତାଣ୍ଡି, ମମତା ମେହେର, ପ୍ରଶାନ୍ତ ସାହୁଙ୍କ ସହ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀମାନେ ସହଯୋଗ କରିଥିଲେ