ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁର ବିଶ୍ଵବିଦ୍ୟାଳୟର ସାମ୍ୱାଦିକତା ଓ ଗଣଯୋଗାଯୋଗ ବିଭାଗ ଆନୁକୂଲ୍ୟରେ ଗୁରୁବାର ବିଶ୍ୱବିଦ୍ୟାଳୟ ପରିସରରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି । ଫଟୋଗ୍ରାଫି କୌଶଳକୁ ବିଷୟବସ୍ତୁ ରଖି ଟିମ୍ ନିକୋନ୍ କମ୍ପାନୀ ତରଫରୁ ଆସିଥିବା ବିଶେଷଜ୍ଞ ଦେବାଂଶୁ ସିଦ୍ଧାର୍ଥ ପଟ୍ଟନାୟକ, ସନ୍ତୋଷ ବେଜ୍ ଓ ତାଙ୍କ ସାଥୀଙ୍କ ଦ୍ୱାରା ଫଟୋଗ୍ରାଫିର ସାଧାରଣ ଜ୍ଞାନ କୌଶଳ ଓ ନିଜ ପରିସୀମାରୁ ଆଗକୁ ବଢ଼ି ଏଥିରେ କିଛି ଉଲ୍ଲେଖନୀୟ ଫଳ ପାଇବାର ରାସ୍ତା ଛାତ୍ରଛାତ୍ରୀମାନଙ୍କ ସାମ୍ନାରେ ଆଲୋକପାତ କରିଛନ୍ତି । ଏହି କର୍ମଶାଳାରେ ସାମ୍ୱାଦିକତା ଓ ଗଣଯୋଗାଯୋଗ ବିଭାଗର ମୁଖ୍ୟ ଡ଼ଃ.ବନ୍ଦିତା କୁମାରୀ ପଣ୍ଡା ଏବଂ ସଂଯୋଜକ ଅଗ୍ନି କୁମାର ବେହେରାଙ୍କ ତତ୍ଵାବଧାନରେ ଅନୁଷ୍ଠିତ ହୋଇଛି । ଏହାକୁ ନେଇ ଛାତ୍ରଛାତ୍ରୀମାନଙ୍କ ମଧ୍ୟରେ ଉତ୍କଣ୍ଠା ଏବଂ ଜିଜ୍ଞାଷୁ ମନୋଭାବ ଦେଖିବାକୁ ମିଳିଛି ।