ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନେହେରୁ ଗଳି ନିବାସୀ ସମାଜସେବୀ ତଥା ରୋଗୀ ସେବାରେ ଉତ୍ସର୍ଗୀକୃତ ବେଶ ଜଣାଶୁଣା ସୁନାମଧନ୍ୟ ସ୍ୱର୍ଗତ ମହେନ୍ଦ୍ର ଷଡ଼ଙ୍ଗୀଙ୍କ ଧର୍ମପତ୍ନୀ ରାସେଶ୍ୱରୀ ଷଡ଼ଙ୍ଗୀ (୮୬)ଙ୍କ ପରଲୋକ ହୋଇଯାଇଛି । ସେ ଜଣେ ଧର୍ମ ପରାୟଣା, ଭଗବତ୍ ପ୍ରେମୀ, ମେଳାପୀ ମହିଳା ଥିଲେ । ତାଙ୍କ ପଛରେ ପାଞ୍ଚ ପୁଅ ବିଶୁ, ଆଲୋକ, ଗଣେଶ, ସୋନୁ, ମଣ୍ଟୁ ଏବଂ ଏକମାତ୍ର କନ୍ୟା କନକଙ୍କ ସମେତ ବୋହୁ, ନାତି ନାତୁଣୀଙ୍କୁ ଛାଡି ଯାଇଛନ୍ତି । ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କ ଶେଷ ଦର୍ଶନ ସହ ଅନ୍ତିମ ସଂସ୍କାରରେ ସାମିଲ ହୋଇଥିଲେ । ପୁଅ ବିଶୁ ଷଡ଼ଙ୍ଗୀ ମୁଖାଗ୍ନି ଦେଇଥିଲେ । ତାଙ୍କ ପରଲୋକରେ ସ୍ଵାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ, ବରଗଡ଼ ସାଂସଦ ପ୍ରଦୀପ ପୁରୋହିତ, ପଦ୍ମପୁର ବିଧାୟିକା ବର୍ଷା ସିଂ ବରିହା ପ୍ରମୁଖ ଶୋକବ୍ୟକ୍ତ କରିବା ସହ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି ।