ଜୟପାଟଣା, (ଶେଷଦେବ ବେହେରା ) : ଜୟପାଟଣା ବ୍ଲକ ଅନ୍ତର୍ଗତ ଚଞ୍ଚରା ପଡା ଖେଳ ପଡିଆ ଠାରେ ମା’ ଠାକୁରାଣୀ ଯୁବ ପରିଷଦ ଦ୍ୱାରା ଆୟୋଜିତ ଷଷ୍ଠ ଦିବସୀୟ ସହଦେବ ରାଉତ ସ୍ମୃତି ଅନ୍ତଃ ବ୍ଲକ ଫୁଟବଲ୍ ପ୍ରତିଯୋଗିତା ଉଦ୍ଯାପିତ ହୋଇଯାଇଛି । ଏହି ପ୍ରତିଯୋଗିତାରେ ୧୬ଟି ଦଳ ଅଂଶଗ୍ରହଣ କରିଥିବା ବେଳେ ସାଗର ଏକାଦଶ ଜୟପାଟଣା ବାଲି ଜୋର୍ କ୍ଲବକୁ ୨/୦ରେ ପରାସ୍ତ କରି ବିଜେତା ଘୋଷିତ ହୋଇଥିଲା । ଫାଇନାଲ୍ ମ୍ୟାଚ୍ରେ ସତ୍ୟାନନ୍ଦ ମାଝୀ କ୍ରୀଡ଼ା ପରିଚାଳନା କରିଥିବା ବେଳେ ଅନ୍ୟ ସମସ୍ତ ମ୍ୟାଚ୍ରେ ସୁରେଶ ଚନ୍ଦ୍ର ପଣ୍ଡା, ମୁନା ମାଝୀ, ରଘୁନାଥ ହେମ୍ବ୍ରମ, ସୌମ୍ୟ ରଞ୍ଜନ ଛତ୍ରିଆ ପ୍ରମୁଖ କ୍ରୀଡ଼ା ପରିଚାଳନା କରିଥିଲେ । ଦୁଃଶାସନ ଖର୍ସେଲ ଧାରା ବିବରଣୀ ପ୍ରଦାନ କରିଥିଲେ । ଆୟୋଜିତ ପୁରସ୍କାର ବିତରଣ ସମାରୋହରେ ଶଶିଧର ରାଉତ ଅଧ୍ୟକ୍ଷତା କରିଥିବା ବେଳେ ଅବସରପ୍ରାପ୍ତ କମିଶନର ଗଙ୍ଗାଧର ମାଝୀ ମୁଖ୍ୟ ଅତିଥି ଭାବରେ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । କ୍ରୀଡାବିତ୍ ତଥା ସାମ୍ବାଦିକ ଶେଷଦେବ ବେହେରା ମୁଖ୍ୟ ବକ୍ତା ଭାବରେ ଯୋଗଦେଇ ଖେଳାଳି ମାନଙ୍କ ପ୍ରତିଭାକୁ ପ୍ରଶଂସା କରିଥିଲେ । ପୂର୍ବ ଉପାଧ୍ୟକ୍ଷ କୃଷ୍ଣଚନ୍ଦ୍ର ରାଉତ, ପ୍ରତାପପୁର ସରପଞ୍ଚ ଚନ୍ଦନ ପୁଝାରୀ, ନାଏବ ସରପଞ୍ଚ କୃତିବାସ ଦଳପତି, ସାମ୍ବାଦିକ ଅଶ୍ରଗ ଅଲ୍ଲୀ, ବ୍ୟୋମକେଶ ପଣ୍ଡା, ସମ୍ପାଦକ ସୁଶାନ୍ତ ରାଉତ ସମାଜ ସେବୀ ଅଶୋକ ସାହୁ ପ୍ରମୁଖ ସମ୍ମାନିତ ଅତିଥି ଭାବରେ ମଞ୍ଚାସୀନ ଥିଲେ । ବିଜେତା ୨ ଟିମ୍କୁ ନଗଦ ରାଶି ଓ ଟ୍ରଫି ପ୍ରଦାନ କରାଯାଇଥିଲା ।
ଜୟପାଟଣା