କଣ୍ଟାବାଞ୍ଜି, (ପିତାମ୍ବର ଦୀପ) : କଣ୍ଟାବାଞ୍ଜି ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ‘ମାତୃ କର୍ମଶାଳା’ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମଞ୍ଚାସୀନ ଥିଲେ ପରିଚାଳନା ସମିତିର ସଭାପତି କୁଞ୍ଜବିହାରୀ ବେହେରା, ଉପସଭାପତି ଶ୍ରୀମତୀ ସୁଷମା ମହାନନ୍ଦ, ସଂପାଦକ ଯୁବରାଜ ମେହେର, ସଦସ୍ୟ କୈଳାସ ଚନ୍ଦ୍ର ଦୀପ, ପ୍ରଧାନ ଆଚାର୍ଯ୍ୟ ତେଜ କୁମାର ସାହୁ ପ୍ରମୁଖ ଉପସ୍ଥିତ ଥିଲେ । ଏହି ମାତୃ କର୍ମଶାଳାରେ ୧୦୦ ଜଣ ମାତୃ ମଣ୍ଡଳୀ ଉପସ୍ଥିତ ଥିଲେ । ଶିଶୁ ବାଟିକା ପ୍ରମୁଖ ଶ୍ରୀମତୀ ସଙ୍ଗୀତା ରାଏ ଉପସ୍ଥିତ ଅତିଥି ଅଧିକାରୀଙ୍କ ପରିଚୟ ପ୍ରଦାନ କରିଥିଲେ । ପ୍ରଧାନ ଆଚାର୍ଯ୍ୟ ତେଜ କୁମାର ସାହୁ ଉଦ୍ଦେଶ୍ୟଜ୍ଞାପନା କରିଥିଲେ । ସମସ୍ତ ଆଚାର୍ଯ୍ୟ ଓ ଆଚାର୍ଯ୍ୟା ସେବକ ଓ ସେବିକାଙ୍କ ସହଯୋଗରେ କାର୍ଯ୍ୟକ୍ରମ ସଫଳ ହୋଇଥିଲା ।