ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ବ୍ଲକ ସରଗାଡ ପଞ୍ଚାୟତ ଠାକୁରପାଲି ଗ୍ରାମର ସାଇଡୁଙ୍ଗୁରି ଠାରେ ଆଞ୍ଚଳିକ ଗିରିଗୋବର୍ଦ୍ଧନ ପୂଜା କମିଟି ଆନୁକୂଲ୍ୟରେ ୩ ଦିନ ଧରି ଅନୁଷ୍ଠିତ ଗିରିଗୋବର୍ଦ୍ଧନ ପୂଜା ଉଦ୍ଯାପିତ ହୋଇଯାଇଛି । ସରଗାଡ, ଉପରବାହାଲ, ତଳିଉଡ଼ାର, ବାଦିମୁଣ୍ଡା, ରତାଖଣ୍ଡି, ବାନିପାଲି ପ୍ରମୁଖ ୬ ଖଣ୍ଡ ପଞ୍ଚାୟତର ଲୋକଙ୍କ ସହଯୋଗରେ ଆୟୋଜିତ ଏହି ପୂଜାରେ ଆଖପାଖ ଗ୍ରାମାଞ୍ଚଳର ହଜାର ହଜାର ଶ୍ରଦ୍ଧାଳୁ ଯୋଗଦେଇ ବିଭୁକୃପା ଲାଭ କରିଥିଲେ । କୁଶଙ୍ଗ ଶାନ୍ତିମଠର ପୂଜକ ବାବା କୃଷ୍ଣ ଚରଣ ଦାସ ଓ ସହକାରୀ ପୂଜକ ମହେଶ୍ୱର ତ୍ରିପାଠୀ ପୂଜକ ଭାବେ ଯୋଗ ଦେଇଥିଲେ । କଳସ ଯାତ୍ରା ତଥା ଅଧିବାସ ପରେ ବିଭିନ୍ନ ଦିନରେ ଗଜଲକ୍ଷ୍ମୀ ପୂଜା, ଶ୍ୟାମାପୂଜା ଓ ଅଷ୍ଟପ୍ରହର ନାମଯଜ୍ଞ ସମେତ ଅନ୍ନ କୁଟ ଆୟୋଜିତ ହୋଇଥିଲା । ରାଧାକାନ୍ତ ନାଏକ, ଲେକ୍ରୁ ତ୍ରିପାଠୀ, ଶର୍ମା ସାହୁଙ୍କ ସମେତ ସ୍ଥାନୀୟ ଯୁବକ ତଥା ଜନସାଧାରଣ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।