ତୁଷୁରା ଗାୟତ୍ରୀ ପରିବାର ତରଫରୁ ଦୀପାବଳି ପାଳନ ଓ ମିଷ୍ଟାନ୍ନ ବଣ୍ଟନ

ତୁଷୁରା, (କେପିଏନ୍‌ଏସ୍‌) : ତୁଷୁରା ଗାୟତ୍ରୀ ପରିବାର ତରଫରୁ ଆଜି ମଧ୍ୟାହ୍ନ ୧ଟା ସମୟରେ ସ୍ଥାନୀୟ ସରକାରୀ ବାଳକ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଦୀପାବଳି ପାଳନ ସହ ମିଷ୍ଟାନ୍ନ ବଣ୍ଟନ କରାଯାଇଛି । ଗାୟତ୍ରୀ ପରିବାର ତରଫରୁ ରାଧାରମଣ କେଡିଆ, ଉଷା କେଡିଆ, ବିଭୋର କେଡିଆ ଓ ଭାବନା କେଡିଆ ବିଦ୍ୟାଳୟକୁ ଆସି ଶିଶୁମାନଙ୍କୁ ଦୀପାବଳିର ଶୁଭେଚ୍ଛା ଜଣାଇବା ସହ ମିଷ୍ଟାନ୍ନ ବଣ୍ଟନ କରିଥିଲେ । ଉକ୍ତ ବିଦ୍ୟାଳୟକୁ ତୁଷୁରା ଗାୟତ୍ରୀ ପରିବାର ପୌଷ୍ୟଭାବେ ଗ୍ରହଣ କରି ତାର ଉତ୍ତରୋତ୍ତର ଉନ୍ନତି ସକାଶେ ବିବିଧ ଉନ୍ନତି ମୂଳକ କାର୍ଯ୍ୟ ହାତକୁ ନେଉଛି । ଗାୟତ୍ରୀ ପରିବାରର ଏଭଳି କାର୍ଯ୍ୟକୁ ଜନସାଧାରଣରେ ଭୁରି ଭୁରି ପ୍ରଶଂସା ମିଳୁଛି । ସହକାରୀ ଶିକ୍ଷୟିତ୍ରୀ ପ୍ରଶାନ୍ତି ଦାସ, ରଞ୍ଜିତା ନାଗ, ବିନ୍ଦୁ ମହାଣା ଓ ଆକାଂକ୍ଷା ରାଣୀ ଯୋଶୀ ସହଯୋଗ କରିଥିଲେ । ପ୍ରଧାନ ଶିକ୍ଷକ ହେମନ୍ତ କୁମାର ଦାଶ ସମସ୍ତଙ୍କୁ ଅନୁଷ୍ଠାନ ତରଫରୁ ଧନ୍ୟବାଦ ଅର୍ପଣ କରିଥିଲେ ।