ବରଗଡ଼, (ନିରୋଜ କୁମାର ପାଣୀ) : ଆଜି ଶୁକ୍ରବାର ଦିନ ବରଗଡ ଆମ୍ବପାଲି ଛକରେ ଏକ ପେସେଞ୍ଜର ଅଟୋ ଭାରସାମ୍ୟ ହରାଇ ଦୁର୍ଘଟଣାର ସମ୍ମୁଖୀନ ହୋଇଥିଲା । ଆହତ ମାନଙ୍କୁ ସାମାଜିକ ଅନୁଷ୍ଠାନ ସଂକଳ୍ପ ପରିବାର ଓ ସ୍ଥାନୀୟ ଲୋକଙ୍କ ସହଯୋଗରେ ଚିକିତ୍ସାଲୟଙ୍କୁ ନିଆଯାଇଥିଲା । ସୂଚନା ମୁତାବକ ବରଗଡ଼ ବ୍ଲକ ଅନ୍ତର୍ଗତ ବରଡୋଲ ଗ୍ରାମର ଦୁଇଟି ପରିବାର ତାଙ୍କ ସମ୍ପର୍କୀୟ ଜଣଙ୍କର ଦଶାହ କାର୍ଯ୍ୟରେ ଯୋଗଦେବା ପାଇଁ ବରଡୋଲ ଗ୍ରାମରୁ ବେହେରା ଗ୍ରାମକୁ ଯାଇଥିଲେ । ଫେରିବା ସମୟରେ ଅଟୋ ଚାଳକ ବରଗଡ଼ ଅମ୍ବାପାଳି ଛକରେ ଥିବା ବୁଲାଣି ରାସ୍ତାରେ ଭାରସାମ୍ୟ ହରାଇ ବସିଥିଲେ ଯେଉଁଥିରେ ଅଟୋ ସିଧାସଳଖ ରାସ୍ତା ମଝିରେ ଓଲଟି ପଡିଥିଲା ଓ ଦୁର୍ଘଟଣାର ସମ୍ମୁଖୀନ ହୋଇଥିଲା । ଯଦ୍ୱାରା ଅଟୋରେ ବସିଥିବା ଲୋକ ମାନେ ଗୁରୁତର ଆହତ ହୋଇଥିଲେ । ଆହତ ଲୋକ ମାନଙ୍କ ମଧ୍ୟରୁ ଜଣଙ୍କର ଗୋଡ଼ ଭାଙ୍ଗି ଯାଇଥିବା ବେଳେ ଆଉ ଜଣଙ୍କର ମୁଣ୍ଡରେ ମାଡ଼ ହୋଇଥିଲା ଓ ଅନ୍ୟ ମାନେ ସାମାନ୍ୟ ଆହତ ହୋଇଥିଲେ ସମସ୍ତ ଆହତ ମାନଙ୍କୁ ଘଟଣାସ୍ଥଳରେ ଉପସ୍ଥିତ ଥିବା ସଂକଳ୍ପ ପରିବାରର ସଦସ୍ୟ ଦେବାଶିଷ ଡାଙ୍ଗ, ଚନ୍ଦନ ପଧାନ, ବିକାଶ ଅଗ୍ରୱାଲ ପ୍ରମୁଖ ସ୍ଥାନୀୟ ଲୋକଙ୍କ ସହିତ ମିଶି ୧୦୮ ଆମ୍ବୁଲାନ୍ସ ଓ ସଂକଳ୍ପ ପରିବାରର ଏକ ଆମ୍ବୁଲାନ୍ସ ସାହାର୍ଯ୍ୟରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପହଞ୍ଚାଇ ଥିଲେ ।