ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ବିଜେଡ଼ି ସାଂସଦ ଟିକଟ୍ ପାଇବା ପରେ ସୁରେନ୍ଦ୍ର ସିଂଭୋଇ ବଲାଙ୍ଗିରରେ ନିଜର ଶକ୍ତି ପ୍ରଦର୍ଶନ କରିଛନ୍ତି । ଗତକାଲି ପୂର୍ବାହ୍ନରେ ସୋନପୁରରେ କାର୍ଯ୍ୟକ୍ରମ ସାରି ବଲାଙ୍ଗିର ଫେରୁଥିବା ବେଳେ ପୁଇଁତଲା ବ୍ଲକ୍ ଅଂଚଳରେ ତାଙ୍କୁ ଲୋଇସିଂହା ବିଧାୟକ ପ୍ରାର୍ଥୀ ନିହାର ରଂଜନ ବେହେରାଙ୍କ ସହ ବିଜେଡ଼ି କର୍ମକର୍ତ୍ତାମାନେ ତାଙ୍କୁ ସ୍ୱାଗତ ଜଣାଇଥିବା ଦେଖିବାକୁ ମିଳିଛି । ସାଂସଦ ପ୍ରାର୍ଥୀ ଶ୍ରୀ ସିଂଭୋଇ ମା’ ପାଟଣେଶ୍ୱରୀ ଓ ସମଲେଶ୍ୱରୀଙ୍କୁ ଦର୍ଶନ କରିବା ପରେ ବଲାଙ୍ଗିର ସହରରେ ଏକ ବିଶାଳ ରୋଡ଼୍ ସୋ’ ଦେଖିବାକୁ ମିଳିଥିଲା । ଏହି ରୋଡ଼ ସୋ’ରେ ବଲାଙ୍ଗିର ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂହଦେଓଙ୍କ ସହ ବହୁ ବିଜେଡ଼ି କର୍ମକର୍ତ୍ତା ସାମିଲ୍ ହୋଇଥିଲେ । ଏହି ଅବସରରେ ଶ୍ରୀ ସିଂଭୋଇ ବଲାଙ୍ଗିରରେ ବିଜେଡ଼ି ପ୍ରାର୍ଥୀ ବିପୁଳ ଜନସମର୍ଥନ ପାଇଁ ବିଜୟୀ ହେବେ ବୋଲି ମତପ୍ରକାଶ କରିଛନ୍ତି ।