ଭୁବନେଶ୍ଵର : ବାଘ ଛାଲ ଡିଲ୍ ଚାଲିଥିବା ବେଳେ ମାଡ଼ିବସିଲା ଏସଟିଏଫ୍ । ସମ୍ବଲପୁର ବାମରାରୁ ୨ ବାଘ ଛାଲ ଜବତ ହେବା ସହ ଜଣେ ଅଭିଯୁକ୍ତଙ୍କୁ ଏସଟିଏଫ୍ ଗିରଫ କରିଛି । ଖବର ଅନୁଯାୟୀ, କୁଚିଣ୍ଡା-ବଣେଇଗଡ଼ ରାସ୍ତା ନିକଟରେ ବାଘଛାଲ ଡିଲ୍ ଚାଲିଥିବା ବେଳେ ଖବର ପାଇ ଏସଟିଏଫ୍ ଚଢାଉ କରିଥିଲା । ଏହି ସମୟରେ ୨ ବାଘ ଛାଲ ଜବତ ହୋଇଛି । ଏହା ସହ ଜଣେ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଦେବଗଡ଼ର ସଙ୍କୀର୍ତ୍ତନ ମୁଣ୍ଡା । ଯାଞ୍ଚ ପାଇଁ ବାଘଛାଲକୁ ଡେହରାଡୁନ ଡବ୍ଲୁଆଇଆଇକୁ ପଠାଯିବ ବୋଲି ସୂଚନା ମିଳିଛି । ତେବେ ଏହି ବାଘ ଛାଲ ଡିଲ୍ରେ ଆଉ କାହାର ସମ୍ପୃକ୍ତି ରହିଛି ସେନେଇ ପୋଲିସ ଛାନଭିନ୍ ଚଳାଇଛି ।