ବଲାଙ୍ଗିର, (କେପିଏନ୍ଏସ୍) : ଆଜି ପୂର୍ବାହ୍ନରେ ସଦର ମାହକୁମା ସ୍ଥିତ ଦୁର୍ଗାମଣ୍ଡପ ନିକଟରେ ଉଦ୍ଘାଟିତ ହେଲା ମିଶନ ଶକ୍ତି କାଫେ । ବଲାଙ୍ଗିର ବିଧାୟକ ନରସିଂହ ମିଶ୍ର , ଜିଲ୍ଲାପାଳ ଚଞ୍ଚଳ ରାଣା, ଆରକ୍ଷୀ ଅଧିକ୍ଷକ ରିଷିକେଶ ଖିଲାରୀ ଏହାର ଉଦ୍ଘାଟନ କରିଥିଲେ । ଏହି କାଫେରେ ମାଣ୍ଡିଆ ଜାତ ବିଭିନ୍ନ ଫାଷ୍ଟ୍ ଫୁଡ୍ ମିଳିବ । ଏହା ଦ୍ୱାରା ଜିଲ୍ଲାର ସ୍ୱୟଂ ସହାୟକ ଗୋଷ୍ଠୀଙ୍କୁ ରୋଜଗାର ମିଳିବ । ଏହାସହ ଫାଷ୍ଟ୍ ଫୁଡ୍ ପସନ୍ଦ କରୁଥିବା ବର୍ଗକୁ ସୁସ୍ୱାଦୁ ଏବଂ ସ୍ୱାସ୍ଥ୍ୟ ଉପଯୋଗୀ ଖାଦ୍ୟ ମିଳିବ । ଜିଲ୍ଲା କୃଷି ଅଧିକାରୀ ସୁବାସ ବେହେରା, ମିଲେଟ ଯୋଜନା ଅଧିକାରୀ ସୁନନ୍ଦା ସାହୁ, ପୌର ନିର୍ବାହୀ ଅଧିକାରୀ ବିଶ୍ୱମ୍ବର ମିଶ୍ର, ଯନ୍ତ୍ରୀ ଲାର୍ସା ମୁର୍ମୁ, ଡିପିସି ମିଶନ ଶକ୍ତି ସୁମନ ଦ୍ୱିବେଦୀ ପ୍ରମୁଖ ଉପସ୍ଥିତ ଥିଲେ ।