ବଲାଙ୍ଗିର, (ଦେବାଶିଷ ମିଶ୍ର) : ଆଜି ସ୍ଥାନୀୟ ଚଟିଆପାଲି ସ୍ଥିତ ରାଧାରମଣ ଆଶ୍ରମ ପରିସରରେ ମାହେଶ୍ୱରୀ ସଂଗଠନର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ପରିଚାଳନା ନିର୍ଦ୍ଦେଶକ ଅଙ୍କୁଶ ପାଣ୍ଡିଆଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ବ୍ଲକ ଓ ପଞ୍ଚାୟତସ୍ତରୀୟ ପଦାଧିକାରୀମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ମହିଳା ଶାଖା ସଂଯୋଜିକା କ୍ରିତିକା ଅଗ୍ରୱାଲ ଆଗାମୀ ବର୍ଷ ପାଇଁ ବିଭିନ୍ନ ସମାଜ ସୁଧାରକ ପଦକ୍ଷେପ ବିଷୟରେ ସୂଚନା ଦେଇଥିଲେ । ସଭାପତି ଶୋଭନ ଅଗ୍ରୱାଲ ଏନେଇ ସଂଗଠନର ବିଭିନ୍ନ ପଦକ୍ଷେପ ଉପରେ ଆଲୋଚନା କରିଥିଲେ । ସଦର ବ୍ଲକ ସଂଯୋଜକ ଅପ୍ରମିତ ପରିଚ୍ଛା ଓ ସଦର ବ୍ଲକ ସଭାପତି ଦେବାଶିଷ ପାଣ୍ଡିଆ ନିଜସ୍ୱ ଗଠନ ମୂଳକ ବକ୍ତବ୍ୟ ପ୍ରଦାନ କରିଥିଲେ । ଜିଲ୍ଲା ସଂଯୋଜକ ସୌମ୍ୟରଞ୍ଜନ ପଣ୍ଡା ସଂଗଠନର ନୂତନ ନିୟମାବଳୀ ଉପରେ ଆଲୋକପାତ କରିଥିଲେ । ସେହିପରି ମାହେଶ୍ୱରୀ ସଂଗଠନ ପକ୍ଷରୁ କେବଳ ସେବା କ୍ଷେତ୍ରରେ ସିମିତ ନ ରହି ଆଗାମୀ ଦିନରେ ଶିକ୍ଷା ଓ ସ୍ୱାସ୍ଥ୍ୟ କ୍ଷେତ୍ରରେ ନୂତନ ଭୂମିକା ଗ୍ରହଣ କରିବା ପାଇଁ ସିଦ୍ଧାନ୍ତ ନିଆଯାଇଥିଲା । ସଂଗଠନର ମୁଖ୍ୟ ଉପଦେଷ୍ଟା ଲୋଟସ ଷଢଙ୍ଗୀ, ଆଗଲପୁର ଶାଖାର ବରିଷ୍ଠ ଉପଦେଷ୍ଟା ମୋହନ ପଟେଲ, ଦିନେଶ ଶର୍ମା, ବ୍ୟାସଦେବ ନନ୍ଦ, ଲଳିତ ସାହୁ ପ୍ରମୁଖ ନିଜସ୍ୱ ବକ୍ତବ୍ୟ ରଖିବା ପରେ ମହିଳା ଶାଖାର କ୍ରିଷ୍ଣପ୍ରିୟା ପାଣି ଧନ୍ୟବାଦ ଅର୍ପଣ କରିଥିଲେ ।