ବଲାଙ୍ଗିର, (କେପିଏନ୍ଏସ୍) : ବ୍ୟକ୍ତି ନିର୍ମାଣ ସମାଜ ନିର୍ମାଣ ଓ ରାଷ୍ଟ୍ର ନିର୍ମାଣ ଉଦ୍ଦେଶ୍ୟରେ ଅଖିଳ ବିଶ୍ଵ ଗାୟତ୍ରୀ ପରିବାରର ପ୍ରତିଷ୍ଠାତା ପଣ୍ଡିତ ଶ୍ରୀରାମ ଶର୍ମା ଆଚାର୍ଯ୍ୟଙ୍କ ଦ୍ଵାରା ପ୍ରତିଷ୍ଠିତ ଅଖଣ୍ଡ ଜ୍ୟୋତି ପତ୍ରିକାର ବଲାଙ୍ଗିର ଜିଲ୍ଲାସ୍ତରୀୟ ପାଠକ ସମ୍ମିଳନୀ ଆଜି ଟିଟିଲାଗଡଠାରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଗାୟତ୍ରୀ ତପୋଭୂମି ମଥୁରାରୁ ଋଷିପୁତ୍ର ଶ୍ରୀମାନ ଅଶୋକ ପାଣ୍ଡେ, ଶ୍ରୀମାନ ରାଧେଶ୍ୟାମ ପ୍ରଜାପତି, ଭୁବନେଶ୍ୱର ଆଞ୍ଚଳିକ କାର୍ଯ୍ୟାଳୟ ସଂଯୋଜକ ବଳରାମ ସାହୁ ଗୌତମ ପ୍ରମୁଖ ଉପସ୍ଥିତ ରହି ବକ୍ତବ୍ୟ ରଖିଥିଲେ । ଯୁଗ ଗାୟକ ରବୀନ୍ଦ୍ର କୁମାର ଗୌଡ଼ ବାଦ୍ୟ ଯନ୍ତ୍ରରେ ଅନାଦି ପାତ୍ର ଯୁଗ ସଙ୍ଗୀତ ମାଧ୍ୟମରେ ସମସ୍ତ ପରିଜନଙ୍କୁ ଗୁରୁଙ୍କ ସନ୍ଦେଶ ଦେଇଥିଲେ । ବଲାଙ୍ଗିର ଜିଲ୍ଲାର ପ୍ରତ୍ୟେକ ବ୍ଲକରେ ଥିବା ଗାୟତ୍ରୀ ପରିବାର ଭାଇ ଭଉଣୀ ଏହି କାର୍ଯ୍ୟକ୍ରମରେ ଯୋଗଦେଇ କାର୍ଯ୍ୟକ୍ରମକୁ ସଫଳତା ସହିତ ଅନୁଷ୍ଠିତ କରିଥିଲେ ।