ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ପୁଇଁତଲା ଥାନା ଅନ୍ତର୍ଗତ ବ୍ରାହ୍ମଣୀପାଲି ଗାଁରେ ବାଣ ଫଟାଉଥିବା ବେଳେ ଅଘଟଣ ଘଟିଥିବା ଜଣାପଡ଼ିଛି । ହାତରେ ବାଣ ଫୁଟି ଜଣେ ନାବାଳକ ଗୁରୁତର ହୋଇ ପଡ଼ିଥିବା ସୂଚନା ମିଳିଛି । ଗୁରୁତର ନାବାଳକ ରମାନନ୍ଦ ସାହୁଙ୍କ ପୁଅ ସ୍ୱୟଂ ସାହୁ(୧୧) ବୋଲି କୁହାଯାଇଛି । ସୂଚନା ଅନୁସାରେ ଆଜି ସନ୍ଧ୍ୟାରେ ସ୍ୱୟଂ ତାଙ୍କର ଘର ଅଗଣାରେ ବାଣ ଫୁଟାଉଥିଲେ । ଅସାବଧାନତାବଶତଃ ବାଣ ତାଙ୍କର ହାତରେ ଫାଟି ଯାଇଥିଲା । ଜୋର୍ରେ ଧମାକା ହୋଇଥିବାରୁ ତାଙ୍କ ହାତ ଓ ମୁହଁ ପୋଡି ଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ୍ରେ ଭର୍ତ୍ତି କରି ଚିକିତ୍ସା କରାଯାଉଥିବା ଜଣାପଡିଛି ।