ବଲାଙ୍ଗିର, (କେପିଏନ୍ଏସ୍) : ନାଟ୍ୟଭୂଷଣ ଜଗଦାନନ୍ଦ ଛୁରିଆଙ୍କ ଧର୍ମପତ୍ନୀ ଶ୍ରୀମତୀ ହେମଲତା ଛୁରିଆଙ୍କ ୭୪ ବର୍ଷ ବୟସରେ ରବିବାର ଦିନ ଭୁବନେଶ୍ୱର ଏମସ୍ ହସ୍ପିଟାଲଠାରେ ପରଲୋକ ହୋଇଯାଇଛି । ସେ ଗତ କିଛି ଦିନ ଧରି ଫୁସଫୁସ ଓ କିଡନୀ ସଂକ୍ରମଣ ଜନିତ ସମସ୍ୟା ଯୋଗୁଁ ପ୍ରଥମେ ବଲାଙ୍ଗିର, ପରେ ବିକାଶ ହସ୍ପିଟାଲ, ବରଗଡ ଓ ଶେଷରେ ଭୁବନେଶ୍ୱରଠାରେ ଚିକିତ୍ସିତ ହେଉଥିଲେ । ମୃତ୍ୟୁ ଶଯ୍ୟା ନିକଟରେ ଦୁଇ ଝିଅ ସୁରଭି ଓ ପୂରବୀ, ଜ୍ବାଇଁ ଉଚ୍ଚାଟାନନ୍ଦ, ଅରବିନ୍ଦ, ନାତି ହେମନ୍ତ, ସ୍ବରୂପ, ଆୟୁଷ ଓ ଅରୂପ ଉପସ୍ଥିତ ଥିଲେ । ସ୍ୱର୍ଗତା ହେମଲତା ଜଣେ ମିଷ୍ଟଭାଷିଣୀ, ଧର୍ମପରାୟଣା ମହିଳା ଥିଲେ । ତାଙ୍କର ତିରୋଧାନ ଖବର ପ୍ରଚାରିତ ହେବା ପରେ ସହରରେ ଶୋକର ଛାୟା ଖେଳିଯାଇଛି। ଏହା ସହ ବଲାଙ୍ଗିରର ବିଭିନ୍ନ ଅନୁଷ୍ଠାନ ତରଫରୁ ମଧ୍ୟ ଶ୍ରୀମତୀ ହେମଲତା ଛୁରିଆଙ୍କ ତିରୋଧାନରେ ଶୋକ ବ୍ୟକ୍ତ କରାଯାଇଛି ।