ଧର୍ମଶାଳା, (କେପିଏନ୍ଏସ୍) : ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଧର୍ମଶାଳା ଯୁକ୍ତଦୁଇ ମହାବିଦ୍ୟାଳୟରେ ଇଲେକ୍ଟ୍ରିକାଲ ଲିଟ୍ରେସି କ୍ଲବ୍ ଗଠିତ ହୋଇଯାଇଛି । ଆଜି ଦିନ ୧୧.୦୦ ଘଟିକାରେ ଅଧ୍ୟକ୍ଷ ଗୋପାଳ ମିଶ୍ରଙ୍କ ଅଧ୍ୟକ୍ଷତାରେ ମହାବିଦ୍ୟାଳୟରୁ ଲଂକାବାହାଳ ଗ୍ରାମ ପର୍ଯ୍ୟନ୍ତ ଦୀର୍ଘ ଦୁଇ କିଲୋମିଟର ଯାଏଁ ଛାତ୍ରଛାତ୍ରୀମାନଙ୍କର ଏକ ଭବ୍ୟ ଶୋଭାଯାତ୍ରାର ଆୟୋଜନ ହୋଇଥିଲା । ଲଂକାବାହାଳ ଗ୍ରାମରେ ଏକ ଗାଁର ଜନସାଧାରଣ, ଛାତ୍ରଛାତ୍ରୀ ଏବଂ ଅଧ୍ୟାପକମାନଙ୍କୁ ନେଇ ଏକ ଗ୍ରାମ୍ୟ ସଂଗୋଷ୍ଠୀର ରୂପରେଖ ପ୍ରସ୍ତୁତ କରାଯାଇ ଗାଁର ଜନସାଧାରଣଙ୍କୁ ନିର୍ବାଚନରେ ତାଙ୍କ ଭାଗିଦାରୀ ସମ୍ମନ୍ଧରେ ଏକ ସଚେତନ ସଭାର ଆୟୋଜନ କରାଯାଇଥିଲା । ଏକ ସୁସ୍ଥ ଗଣତନ୍ତ୍ର ନିର୍ମାଣ ଉଦ୍ଦେଶ୍ୟରେ ଆମେ ସମସ୍ତେ ଭୋଟଦେବା ବୋଲି ଛାତ୍ରଛାତ୍ରୀମାନେ ବିଭିନ୍ନ ସ୍ଲୋଗାନ୍ ଦେଇଥିଲେ । ଡକ୍ଟର ପୁରୁଷୋତ୍ତମ ମିଶ୍ର, ପ୍ରାଧ୍ୟାପକ ପ୍ରତୁଲ ଚନ୍ଦ୍ର ତ୍ରିପାଠୀ, ବରିଷ୍ଠ ଅଧ୍ୟାପକ ପ୍ରଫୁଲ୍ଲ କୁମାର ପାତ୍ରଙ୍କ ସମେତ ଗୋବିନ୍ଦ ପ୍ରଧାନ, ବିଭୀଷଣ ପ୍ରଧାନ ଓ ନୀଳାମ୍ବର ପ୍ରଧାନଙ୍କ ତତ୍ୱାବଧାନରେ କାର୍ଯ୍ୟକ୍ରମ ସଫଳ ହୋଇଥିଲା ।