ଶ୍ରୀ ଶ୍ରୀ ମହାରାଜା ଅଗ୍ରସେନ ଜୟନ୍ତି ସମାରୋହ ପାଇଁ ଅଗ୍ରୱାଲ ସଭା ପକ୍ଷରୁ ଦାଂଡ଼ିଆ ନାଇଟ ପ୍ରତିଯୋଗିତା ଆୟୋଜିତ

ଟିଟିଲାଗଡ, (ସଞ୍ଜୟ କୁମାର ନାୟକ) : ଆସନ୍ତା ଅକ୍ଟୋବର ୧୫ ତାରିଖ ଦିନ ଶ୍ରୀ ଶ୍ରୀ ମହାରାଜା ଅଗ୍ରସେନ ଜୟନ୍ତି ପାଳନ ପାଇଁ ଚଳିତବର୍ଷ ବ୍ୟାପକ ପ୍ରସ୍ତୁତି କରାଯାଉଛି। ଅକ୍ଟୋବର ୬ ତାରିଖରୁ ବିଭିନ୍ନ ବିଷୟରେ ଅଗ୍ରୱାଲ ସମାଜର ସମସ୍ତ ପରିବାର ସଦସ୍ୟଙ୍କୁ ନେଇ ପ୍ରତିଯୋଗିତା ଆୟୋଜନ କରାଯାଉଅଛି । ୧୦ତାରିଖ ଦ୍ୱିପହର ଦୁଇଟା ସମୟରେ କେରେମ ପ୍ରତିଯୋଗିତା, ଅଢେଇଟ।ରେ ସାମାନ୍ୟ ଗଣିତ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ପୁଣି ୩ଟ। ସମୟରେ ସାମାନ୍ୟ ଜ୍ଞାନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଭଲ ପ୍ରଦର୍ଶନ କରିଥିବା ପ୍ରତିଯୋଗୀଙ୍କୁ ଅଗ୍ରୱାଲ ସଭା ପକ୍ଷରୁ ସମ୍ମାନୀତ କରଯାଇଥିଲା । ସନ୍ଧ୍ୟାରେ ମୁଖ୍ୟ ଆକର୍ଷଣ ତଥା ମହିଳା ଝିଅମାନଙ୍କ ପାଇଁ ଦାଂଡ଼ିଆ ନାଇଟ ପ୍ରତିଯୋଗିତା ଆୟୋଜିତ ହୋଇଥିଲା । ଏହି ପ୍ରତିଯୋଗିତାରେ ଅଂଶ ଗ୍ରହଣ କରିଥିବା ସମସ୍ତ ମହିଳାମାନେ ତିନୋଟି ରାଉଣ୍ଡ ଯାଏଁ ଖେଳିଥିଲେ, ଶେଷରେ ବିଜେତା ଚୟନ କରିଥିଲେ ତିନିଜଣ ଜଜ । ଏହି ଅବସରରେ ସ୍ୱର୍ଗତ ସୋହନ ଲାଲ ଜୈନଙ୍କ ସ୍ମୃତି ଚାରଣ କରିବା ସହ ତାଙ୍କ ଉଲ୍ଲେଖନିୟ ଅବଦାନ ହେତୁ ତାଙ୍କର ସ୍ତ୍ରୀଙ୍କୁ ସମ୍ମାନିତ କରାଯାଇଥିଲା । ଅଗ୍ରୱାଲ ସଭାର ସଭାପତି ପ୍ରେମଚାନ୍ଦ ଜୈନ, ସଚିବ ଦୀପକ ଗୋୟଲ, ଆଶିଷ ଅଗ୍ରୱାଲ, ରୋହିତ ଜୈନ, ସଂସ୍କାର ଅଗ୍ରୱାଲ, ବିଜୟ ଜୈନ, ଗୁପ୍ତା ପରିବାରର ସଦସ୍ୟ, ପ୍ରକାଶ ଅଗ୍ରୱାଲଙ୍କ ସମେତ ଅନ୍ୟାନ୍ୟ ସଦସ୍ୟ ପରିଚାଳନା କରିବାରେ ସହଯୋଗ କରିଥିଲେ । ସନ୍ଧ୍ୟାରେ ଅଗ୍ରୱାଲ ପରିବାରର ଶହ ଶହ ସଦସ୍ୟ ଉପସ୍ଥିତ ରହି ଆନନ୍ଦ ଉଠାଇଥିଲେ ।