ବଲାଙ୍ଗିର, (କେପିଏନ୍ଏସ୍) : ସିଲେଟପଡା ଗାଁଠାରେ ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ବେଳେ ସେ ବଲାଙ୍ଗିର ମେଡ଼ିକାଲରେ ଭର୍ତ୍ତି ହୋଇଥିବା ଜଣାପଡ଼ିଛି । ଆହତ ମହିଳା ଜଣକ ପ୍ରେମଶୀଳା ବାଘ (୩୫) ବୋଲି ଜଣାପଡ଼ିଛି । ଏହି ଘଟଣା ଘଟିଛି ବଲାଙ୍ଗିର ଜିଲ୍ଲା ସଇଁତଲା ଥାନା ସିଲେଟପଡା ଗାଁରେ । ସୂଚନାରୁ ପ୍ରକାଶ ଯେ, ଗତକାଲି ସକାଳେ ପ୍ରେମଶୀଳା ଘର ଆଗରେ ଠିଆ ହୋଇଥିବା ବେଳେ ସେହି ଗାଁର ଉପେନ୍ଦ୍ର ଭୁଏ ପୂର୍ବ ଶତ୍ରୁତାକୁ କେନ୍ଦ୍ର କରି ତାଙ୍କୁ ଠେଙ୍ଗାରେ ଆକ୍ରମଣ କରି ଲହୁଲୁହାଣ କରିଦେଇଥିଲା । ଗୁରୁତର ଅବସ୍ଥାରେ ପ୍ରେମଶୀଳାଙ୍କୁ ୧୦୮ ଆମ୍ବୁଲାନ୍ସରେ ସଇଁତଲାରୁ ଅଣାଯାଇ ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲର ସର୍ଜରୀ ବିଭାଗରେ ଭର୍ତି କରାଯାଇଛି ।