centurian jitm

ବୁଢ଼ିବାହାଲରେ ବିଜେପିର ବିଶାଳକର୍ମୀ ସମାବେଶ

ବିଜେଡି ଛାଡ଼ି ବିଜେପିରେ ମିଶିଲେ ଶତାଧିକ କର୍ମୀ

ଖପ୍ରାଖୋଲ, (ଅଶୋକ କୁମାର ବାଗ) : ଖପ୍ରାଖୋଲ ବ୍ଲକ୍ ଓଡ଼ିଆପାଳି ପଞ୍ଚାୟତ ବୁଢ଼ିବାହାଲ କଲ୍ୟାଣମଣ୍ଡପ ଠାରେ ବିଜେପିର ବ୍ଲକସ୍ତରୀୟ କର୍ମୀ ସମାବେଶ ବୁଧବାର ଦିନ ଅନୁଷ୍ଠିତ ହୋଇଯାଇଛି । ବୈଠକରେ ମଣ୍ଡଳ ସଭାପତି ଦେବକାନ୍ତ ପାଣିଗ୍ରାହୀ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ରୂପେ ପାଟଣାଗଡ ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓ ଯୋଗଦେଇଥିଲେ । ସମ୍ମାନିତ ଅତିଥି ରୂପେ ଜିଲ୍ଲା ସଭାପତି ଶିବାଜୀ ମହାନ୍ତି, ନାରୀ ନେତ୍ରୀ ପାୟଲ ଅଗ୍ରୱାଲ, ସନ୍ତୋଷିନୀ ବରିହା, ଶଶୀ ପୁଝାରୀ, ଉପେନ୍ଦ୍ର ଭୋଇ, ସାଂସଦ ପ୍ରତିନିଧି ପ୍ରବୀଣ ଅଗ୍ରୱାଲ୍‌, ପ୍ରଶାନ୍ତ ଦାଶ, ଗୌନ୍ତିଆ ଦିବାକର ଖର୍ସେଲ ପ୍ରମୁଖ ମଞ୍ଚାସୀନ ଥିଲେ । ଏହି ଅବସରରେ କେନ୍ଦ୍ରସରକାରଙ୍କ ଲିକାଭି ମୁଖୀ ଯୋଜନା ଉପରେ ଅତିଥିମାନେ ଆଲୋକପାତ କରିଥିବା ବେଳେ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ବିଜେଡି ଛାଡ଼ି ବିଧାୟକ ସରୋଜ ମେହେରଙ୍କ ପୂର୍ବତନ ନୋମିନି ତଥା ବରିଷ୍ଠ ସଂଗଠକ ପଞ୍ଚୁଦେବ ସାହୁ ଶତାଧିକ ସମର୍ଥକଙ୍କ ସହ ବିଜେପିରେ ସାମିଲ ହୋଇଥିଲେ । ତାଙ୍କୁ ଦଳୀୟ ଗାମୁଛା ଦେଇ ସ୍ୱାଗତ କରାଯାଇଥିଲା । ସେହିପରି କରୁଆଝରର ପୂର୍ବତନ ସରପଞ୍ଚ ଜଳନ୍ଧର ଭୋଇ, ଭାନପୁରର ପୂର୍ବତନ ସରପଞ୍ଚ ତ୍ରିନାଥ ବାରିକ, ପ୍ରଦୀପ ପଧାନ ସମେତ ଶତାଧିକ ବିଜେଡି କର୍ମୀ ଯୋଗଦେଇଥିଲେ । ସମାବେଶରେ ଫକୀର ପ୍ରଧାନ, କର୍ଣସିଂ ଠାକୁର, ଭରତ ସାହୁ, ପ୍ରବୋଧାନନ୍ଦ ପାଣିଗ୍ରାହୀ, ନୀଳ ପାଣିଗ୍ରାହୀ, ରବି ସାହୁ, ବିପ୍ର ବିଶି, ଦଶରଥ ପାଣିଗ୍ରାହୀ , ହେମସାଗର ସାହୁ ପ୍ରମୁଖ ଉପସ୍ଥିତ ଥିଲେ । ମଧୁ ବରିହା ମଞ୍ଚ ପରିଚାଳନା କରିଥିବା ବେଳେ ଦେବକାନ୍ତ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ।

Leave A Reply

Your email address will not be published.