ବଲାଙ୍ଗିର, (ଦେବାଶିଷ ମିଶ୍ର) : ଲୋକଙ୍କୁ ସାମାଜିକ ମୌଳିକ ଅଧିକାର କିଭଳି ମିଳିପାରିବ ସବୁବେଳେ ସେ ଦିଗରେ ତତ୍ପର ଥିବା ବଲାଙ୍ଗିରର ଅଗ୍ରଣୀ ସାମାଜିକ ସଂଗଠନ ମାହେଶ୍ୱରୀର ସ୍ୱେଚ୍ଛାସେବୀମାନେ ଆଜି ଏକ ମାନସିକ ବିକାରଗ୍ରସ୍ତ ଯୁବକକୁ ମହିମୁଣ୍ଡା ରାସ୍ତା ସୁଲିଆ ଘାଟି ପାଖରୁ ଉଦ୍ଧାର କରିଛନ୍ତି । ହିନ୍ଦୀ ଭାଷା ଅଳ୍ପ ଏପଟ ସେପଟ କଥାବାର୍ତ୍ତା କରିବା ସହ ଉଲଗ୍ନ ହୋଇ ରାସ୍ତାରେ ବୁଲୁଥିବା ଦେଖି ଲୋକେ ବିରକ୍ତ ଓ ଭୟଭୀତ ହୋଇଥିଲେ । ଉଲଗ୍ନ ଅବସ୍ଥାରେ ଥିବାରୁ ଲୋକଙ୍କ ଆକ୍ରୋଶର ଶିକାର ହେବାର ସମ୍ଭାବନା ମଧ୍ୟ ରହିଥିଲା । କୌଣସି ସୁତ୍ରରୁ ଖବର ପାଇ ମାହେଶ୍ୱରୀ ସଂଗଠନର ସଦସ୍ୟ ପହଞ୍ôଚ ଉଦ୍ଧାର କରିବା ସହ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା କରାଇଥିଲେ ।