ତେଲକୋଇ : କେନ୍ଦୁଝର ବନଖଣ୍ଡ ତେଲକୋଇ ବନାଞ୍ଚଳ ଶିରିଆ ବାହାଲ ଗ୍ରାମରେ ହାତୀ ଆକ୍ରମଣରେ ଜଣେ ଭିନ୍ନକ୍ଷମ ମହିଳାଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣଙ୍କ ହେଲେ ବିଦେଶୀ ପେଣ୍ଠେଇଙ୍କ ଝିଅ ସ୍ଵସ୍ତିକା ପେଣ୍ଠେଇ (୩୫)।
ସୂଚନାନୁଯାୟୀ, ସ୍ୱସ୍ତିକା ଶୁକ୍ରବାର ଭୋରୁ ନିକଟସ୍ଥ ମଗର ଦରହ ଜଙ୍ଗଲକୁ ଛତୁ ଓ ଟୋଲ ସଂଗ୍ରହ କରିବାକୁ ଯାଇଥିଲେ । ଏତିକି ବେଳେ ମୁଣ୍ଡିଆ ପୂଜା ଜମି ଅଞ୍ଚଳରେ ହାତୀ ଆକ୍ରମଣରେ ଶିକାର ହୋଇଥିଲେ । ଖବର ପାଇ ତେଲକୋଇ ବନ କର୍ମଚାରୀ ଓ ପୁଲିସ ପ୍ରଶାସନ ଘଟଣା ସ୍ଥଳରେ ପହଞ୍ଚିଥିବା ଜଣାପଡ଼ିଛି ।