ବଙ୍ଗୋମୁଣ୍ଡା, (ହୁଲେଶ୍ୱର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଭାଲୁମୁଣ୍ଡା ଆଦର୍ଶ ଖେଳ ପଡ଼ିଆଠାରେ ଆଦର୍ଶ କ୍ରିକେଟ କ୍ଲବ ତରଫରୁ ଏକ ଦିବସୀୟ ରାତ୍ର କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଏହି ମ୍ୟାଚରେ ୮ ଟି ଦଳ ଭାଲୁମୁଣ୍ଡା ଆଦର୍ଶ କ୍ରିକେଟ କ୍ଲବ, ଭାଲୁମୁଣ୍ଡା ଧର୍ମଶାଳା ଟିମ୍, ଭାଲୁମୁଣ୍ଡା ଶକ୍ତିମାନ ଟିମ୍, ଭାଲୁମୁଣ୍ଡା ଷ୍ଟାର ଟିମ୍, ଦେଓଗାଁ, କପିଲାଭଟା, ଗନ୍ଧରାବନ୍ଦ ଟିମ୍ ଏବଂ ବଙ୍ଗୋମୁଣ୍ଡା ଟିଚର ଟିମ୍ ଭାଗ ନେଇଥିଲେ । ଭଲ ଖେଳ ପଦର୍ଶନ କରି ଭାଲୁମୁଣ୍ଡା ଆଦର୍ଶ ଟିମ ଓ ବଙ୍ଗୋମୁଣ୍ଡା ଟିଚର ଟିମ୍ ଫାଇନାଲରେ ପ୍ରବେଶ କରିଥିଲେ । ଫାଇନାଲ ମ୍ୟାଚରେ ଟିଚର୍ ଟିମ ପ୍ରଥମେ ବେଟିଙ୍ଗ କରି ୬ ଓଭରରେ ୩ ଉଇକେଟ ହରାଇ ୭୦ ରନ ସଂଗ୍ରହ କରିଥିଲେ । ଜବାବରେ ଆଦର୍ଶ ଟିମ ୨ ଉକେଟ ହରାଇ ୬ ଓଭର ୭୦ ରନ କରି ବରାବର ହୋଇଥିଲେ । ଫଳରେ ସୁପର ଓଭରରେ ଟିଚର୍ ଟିମ୍ ଏକ ଉକେଟ୍ ହରାଇ ୧୪ ରନ୍ ସଂଗ୍ରହ କରିଥିଲେ । ଜବାବରେ ଆଦର୍ଶ କ୍ଲବ ଏକ ଉକେଟ୍ ହରାଇ ୪ଟି ଚଉକା ମାରି ବିଜୟୀ ହୋଇଥିଲେ । ଏହି ମ୍ୟାଚ୍ରେ ସମ୍ମାନୀୟ ଅତିଥି ଭାବେ ଶିକ୍ଷକ ସନ୍ତୋଷ ପୁଞ୍ଜି, ସାମ୍ବାଦିକ ରାଧେଶ୍ୟାମ ମେହେର, ପୂର୍ବତନ କ୍ରିକେଟ ଖେଳାଳି ଖୁଡ୍ଡୁ ମେହେର ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଏହି ମ୍ୟାଚକୁ ରାଧେଶ୍ୟାମ ମେହେର ଓ ପାଣ୍ଡେ ଖେଳ ପରିଚାଳନା କରିଥିବା ବେଳେ ଖଗପତି କୁମ୍ଭାର ଧାରା ବିବରିଣୀ ପ୍ରଦାନ କରିଥିଲେ । ମ୍ୟାନ୍ ଅଫ୍ ଦି ସିରିଜ ମୁକେଶ ପ୍ରଧାନଙ୍କୁ ପ୍ରଦାନ କରିଥିବା ବେଳେ ମ୍ୟାନ ଅଫ୍ ଦି ମ୍ୟାଚ୍ ପପୁ ସୁନାକୁ ପ୍ରଦାନ କରାଯାଇଥିଲା । ଏହି ମ୍ୟାଚ୍କୁ ଭାଲୁମୁଣ୍ଡା ଆଦର୍ଶ କ୍ରିକେଟ କ୍ଲବର ସଭାପତି ଆଲୋକ ମିଶ୍ର, ସମ୍ପାଦକ ରାଜେଶ ପୁଟେଲ, ପପୁ ସୁନା, ଜୟନ୍ତ ବାଗ, ସୁଶାନ୍ତ ଠେଲା, ସିଦ୍ଧାର୍ଥ ମିଶ୍ର ତଥା ସମସ୍ତ ଖେଳାଳି ସାହାର୍ଯ୍ୟ କରିଥିଲେ ।