ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ମାରୱାଡ଼ି ସମାଜ ତରଫରୁ ହନୁମାନ ଜୟନ୍ତୀ ପାଳିତ ହୋଇଯାଇଛି । ଏହି ଅବସରରେ ଏକ ବିରାଟ ଶୋଭାଯାତ୍ରା ନଗର ପରିକ୍ରମା କରିବା ପରେ ହନୁମାନ ମନ୍ଦିରରେ ପୂଜାର୍ଚ୍ଚନା କରାଯାଇଥିଲା । ରାତିରେ ଜନସାଧାରଣଙ୍କ ପାଇଁ ଅନ୍ନ ପ୍ରସାଦ ବଂଟନ ସହିତ ବିଳମ୍ବିତ ରାତି ପର୍ଯ୍ୟନ୍ତ ଭଜନ, କୀର୍ତ୍ତନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ବହୁ ସଂଖ୍ୟାରେ ମାରୱାଡ଼ି ସମାଜର ସଦସ୍ୟ ତଥା ଜନସାଧାରଣ ଯୋଗ ଦେଇଥିଲେ । ସମସ୍ତ କାର୍ଯ୍ୟକ୍ରମ ପରିଚାଳନାରେ ପପୁ ଅଗ୍ରୱାଲ, ଦୀନେଶ କୁମାର ଜୈନ, ନବୀନ ଅଗ୍ରୱାଲ, ଭାରତ ଭୂଷଣ ଜୈନ, ଏପେନ୍ ଜିନ୍ଦଲ, ନସିବ୍ ଜିନ୍ଦଲ, ବଜରଙ୍ଗ ଅଗ୍ରୱାଲ, ସଂଜୁ ଜିନ୍ଦଲ ପ୍ରମୁଖ ସହଯୋଗ କରିଥିଲେ ।