- ଗଜାନନ ମିଶ୍ର
ଏ ଯୋଉ ଲିମ୍ୱ ଗଛ
ସେଇଠି ଦେଖୁଛ,
କେବେଠୁ ଅଛି କୁହ ତ!
ଥିଲାଦିନୁ ସେଇଠି
ଝଡିଛି କେତେପତ୍ର ସେଥିରୁ?
କୁହ ତ, କଁଅଳିଛି
ପୁଣି କେତେ ପତ୍ର?
ଅଧାପନ୍ତରିଆ ଅଛି କି
କେବେ ଏ ଗଛ?
ନା ହୋଇଛି ୟାର
ପୂର୍ଣାଙ୍ଗ ପ୍ରାପ୍ତି ଏମିତି!
ଗଛକୁ ନେଇ
ସମୁଦ୍ର କଣ କାନ୍ଦିଛି କେବେ?
ନା ପାହାଡ ହସି ହସି
ହୋଇଛି ବେଦମ୍ ବର୍ଷା ଟୋପାରେ!
କୁହ ତ, କେତେ କିଏ
ଚଢିଛନ୍ତି ଏ ଗଛକୁ?
ଆଉ ଗଛର କ୍ରିୟା ପ୍ରତିକ୍ରିୟା
କରିଛ କେବେ ଅନୁମାନ?
ଗଛକୁ ଗଛ ଜାଗାରେ ଛାଡି
ତୁମେ ଇ ହେଉଛ
ହେଇ ଦେଖ, ଉଭାନ୍।
- ତପୋବନ, ଟିଟିଲାଗଡ