ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ବ୍ରାହ୍ମଣପଡାଠାରେ ଥିବା ଏକ ଅଳଙ୍କାର ଦୋକାନରୁ ଚୋରି ହୋଇଥିବା ନେଇ ଅଭିଯୋଗ ହୋଇଛି । ସୋମବାର ଦୁଇ ଜଣ ଦୁର୍ବୃତ୍ତ ଅଳଙ୍କାର ଦୋକାନରୁ ଅଭିନବ ଉପାୟରେ ଚୋରି କରିଛନ୍ତି । ଏନେଇ ମାଲିକ ପ୍ରଭଞ୍ଜନ ମେହେର ଥାନାରେ ଅଭିଯୋଗ କରିଛନ୍ତି । ସୂଚନାନୁଯାୟୀ, ସୋମବାର ପ୍ରଭଞ୍ଜନ ଦୋକାନରେ ନଥିଲେ । ତାଙ୍କ ବାପା ଦୋକନରେ ଥିବା ବେଳେ ଦୁଇଜଣ ଅଜଣା ଦୁର୍ବୃତ୍ତ ଦୋକାନକୁ ଆସି ସୁନା ମୁଲଚାଲ କରିଥିଲେ । ତେବେ ପ୍ରଭଞ୍ଜନଙ୍କ ବାପା ଅନ୍ୟମନସ୍କ ହେବାରୁ ସେମାନେ ଅଳଙ୍କାର ଉଠାଇ ନେଇଥିଲେ । ସିସିଟିଭି ଫୁଟେଜରୁ ଏହା ଜଣାପଡିଛି । ଏନେଇ ମାଲିକ ପ୍ରଭଞ୍ଜନ ମେହେର ଟାଉନ ଥାନାରେ ଏତଲା ଦେଇଛନ୍ତି ।