ପାଟଣାଗଡ, (କେପିଏନ୍ଏସ୍) : ପାଟଣାଗଡ ଜବାହାରଲାଲ କଲେଜରେ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହାକୁ ଅଧ୍ୟକ୍ଷ ଡ. ଦେବରାଜ ମିଶ୍ର ଉଦ୍ଘାଟନ କରିଥିଲେ । କ୍ରିକେଟ ପ୍ରତିଯୋଗିତାରେ ଯୁକ୍ତତିନି ବର୍ଗରେ ଦ୍ୱିତୀୟ ବର୍ଷ, ଯୁକ୍ତଦୁଇ ବର୍ଗରେ ଦ୍ୱିତୀୟ ବର୍ଷ ଛାତ୍ରଛାତ୍ରୀମାନେ ବିଜୟୀ ହୋଇଥିଲେ । ବ୍ୟାଡମିଣ୍ଟନ ପ୍ରତିଯୋଗିତାରେ ଯୁକ୍ତତିନି ଛାତ୍ର ବର୍ଗର ବିଜୟାନନ୍ଦ ମେହେର ଓ ଛାତ୍ରୀ ବର୍ଗରେ ସ୍ଥିତିପ୍ରଜ୍ଞା ମହାନ୍ତି ବିଜୟୀ ହୋଇଥିଲେ । ଚେସ୍ ଯୁକ୍ତତିନି ଛାତ୍ର ବର୍ଗରେ ଜ୍ୟୋତିର୍ମୟୀ ନାଗ ଏବଂ ଯୁକ୍ତଦୁଇ ଛାତ୍ରବର୍ଗରେ ରାକେଶ ସୁନା ବିଜୟୀ ହୋଇଥିଲେ । କ୍ୟାରମ ଯୁକ୍ତତିନି ଛାତ୍ର ବର୍ଗରେ ଶୋଭିତ ପୁରୋହିତ, ଛାତ୍ରୀ ବର୍ଗରେ ପୂଜା ପଟେଲ, ଯୁକ୍ତଦୁଇ ଛାତ୍ର ବର୍ଗରେ ଅଜିତ ଘିବେଲା ବିଜୟୀ ହୋଇଥିଲେ । କୃତି ପ୍ରତିଯୋଗୀମାନଙ୍କୁ ବାର୍ଷିକ କ୍ରୀଡା ଉତ୍ସବରେ ପୁରସ୍କୃତ କରାଯିବ ବୋଲି ସୂଚନା ମିଳିଛି ।