ଖପ୍ରାଖୋଲ, (କେପିଏନ୍ଏସ୍) : ଖପ୍ରାଖୋଲ ବ୍ଲକ ରେଙ୍ଗାଲି ପଞ୍ଚାୟତ ଅଫିସ ପରିସରରେ କୃଷି ବିଭାଗ ଓ ବିକଳ୍ପ କଣ୍ଟାବାଞ୍ଜିର ମିଳିତ ଉଦ୍ୟମରେ ସମନ୍ୱିତ କୃଷି ଓ ରବି ଋତୁ ମୁଗ, ବିରି ଡାଲି ଜାତୀୟ ଫସଲ ଚାଷ ସମ୍ପର୍କିତ ତାଲିମ ଶିବିର ବୁଧବାର ଅନୁଷ୍ଠିତ ହୋଇଯାଇଛି । ଏଥିରେ ରେଙ୍ଗାଲି ସରପଞ୍ଚ ଉମାକାନ୍ତ ମେହେର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ତାଲିମଦାତା ରୂପେ ବ୍ଲକ କୃଷି ଅଧିକାରୀ ଡମ୍ବରୁଧର ମେହେର, ସହକାରୀ କୃଷି ଅଧିକାରୀ ସୁଜିତ ଭୋଇ ଯୋଗ ଦେଇଥିଲେ । ଏହି ଅବସରରେ ଚିହ୍ନଟ ଚାଷୀମାନଙ୍କୁ ମୁଗ ବିହନ ଦିଆଯାଇଥିଲା । ସଂଯୋଜନ ସୁରେଶ ବେହେରା କାର୍ଯ୍ୟକ୍ରମ ପରିଚାଳନା କରିଥିଲେ ।