ବୀରମହାରାଜପୁର : ବୀରମହାରାଜପୁର ଥାନା କେନଝରିଆପାଲି ପଂଚାୟତ ଅନ୍ତର୍ଗତ ପୁଲେଶର ଗାଁରେ ଜୈନିକ ବ୍ୟକ୍ତିଙ୍କ ଛେଳି ଗୁହାଳରେ ନିଆଁ ଲାଗି ୩୦ରୁ ଅଧିକ ଛେଳିର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସୂଚନା ଅନୁସାରେ ପୁଲେଶର ଗାଁର ପିତାମ୍ବର ଭୁକ୍ତା ନାମକ ଛେଳି ଚାଷୀ ନିଜ ଛେଳି ଗୁଡିକୁ ଗୁହାଳରେ ରଖିଥିଲେ । କୌଣସି କାରଣରୁ ଛେଳି ଗୁହାଳରେ ହଠାତ ନିଆଁଲାଗି ଯାଇଥିଲା । ଗୁହାଳରେ ନିଆଁ ଲାଗିଥିବା ଦେଖି ଏହାକୁ ଆୟତ୍ତ କରିବାକୁ ପ୍ରଥମେ ଚେଷ୍ଟା କରିଥିଲେ । ଗ୍ରାମବାସୀ ଏବଂ ପରିବାର ଲୋକଙ୍କ ସହାୟତାରେ ନିଆକୁ କିଛି ମାତ୍ରାରେ ଆୟତ୍ତ କରିଥିଲେ ଖବର ପାଇ ବୀରମହାରାଜପୁର ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ । ନିଆଁ ଆୟତ୍ତ ହେବା ବେଳକୁ ଗୁହାଳ ଭିତରେ ଥିବା ୩୦ରୁ ଅଧିକ ଛେଳି ଜୀବନ୍ତ ପୋଡି ମରିଯାଇ ଥିବା ଦେଖାଯାଇଛି ।