କଳାହାଣ୍ଡି, (ପି.କେ. ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ଠାରେ ଶ୍ରୀ ଜଗନ୍ନାଥ ମନ୍ଦିର କମିଟି ଓ ହବିଷ୍ୟାଳିମାନଙ୍କ ସହାୟତା ଓ ସହଯୋଗରେ ଶ୍ରୀ ଜଗନ୍ନାଥ, ମା’ ଲକ୍ଷ୍ମୀ ଓ ବୃନ୍ଦାବତୀଙ୍କ ପାଖରେ ଛପନ ଭୋଗ ଲାଗି ହୋଇଯାଇଛି । ଏହା ସହ ଅନ୍ନ ଭୋଗ ଲାଗି ହୋଇଥିଲା । ୫୦୦ରୁ ଅଧିକ ମହିଳା ପୁରୁଷ ଓ ଶ୍ରଦ୍ଧାଳୁ ଭକ୍ତମାନେ ଦର୍ଶନ ସହିତ ପ୍ରସାଦ ସେବନ କରିଥିଲେ । ବିଶ୍ଵକର୍ମା କେଦାର ମହାରଣା, ପୂଜକ ଅଶୋକ ତ୍ରିପାଠୀ, ତ୍ରିଲୋଚନ ଦାସ, ପ୍ରକାଶ ଚନ୍ଦ୍ର ସାହୁ ପରିଚାଳନା କରିଥିଲେ । କରୋନା କଟକଣା ନଥିବାରୁ ପ୍ରବଳ ଭକ୍ତ ଓ ଶ୍ରଦ୍ଧାଳୁମାନଙ୍କ ଭିଡ଼ ଦେଖିବାକୁ ମିଳିଥିଲା । ଶାନ୍ତି ଶୃଙ୍ଖଳା ସହିତ ସମସ୍ତ କାର୍ଯ୍ୟକ୍ରମ ସମାପନ ହୋଇଥିବାରୁ ଶ୍ରୀ ଜଗନ୍ନାଥ ମନ୍ଦିର ତରଫରୁ ପ୍ରକାଶ ଚନ୍ଦ୍ର ସାହୁ ସମସ୍ତଙ୍କୁ ଧନ୍ୟବାଦ ଦେଇଥିଲେ ଏବଂ ଗଣମାଧ୍ୟମ ପ୍ରତିନିଧିମାନଙ୍କୁ ମଧ୍ୟ କୃତଜ୍ଞତା ଜ୍ଞାପନ କରିଥିଲେ । କାର୍ଯ୍ୟକ୍ରମରେ ଜଗନ୍ନାଥ ସାହୁ, ଯୁଗଳ ପ୍ରହରାଜ, ପ୍ରଶାନ୍ତ ସାମନ୍ତରା, ସୁରେନ୍ଦ୍ର ସାହୁ, ସୁବାସ ପୂଜା ପଣ୍ଡା, ବିନୋଦ ସାହୁ, ଧିରେନ୍, ରାଜେନ୍ଦ୍ର, ସୁକାନ୍ତି ପ୍ରହରାଜ ଓ ଶ୍ରୀ ଜଗନ୍ନାଥ ପରିବାର ସକ୍ରିୟ ସହଯୋଗ କରିଥିଲେ ।