ବୌଦ୍ଧ, (କେପିଏନ୍ଏସ୍) : ଖୋର୍ଦ୍ଧା-ବଲାଙ୍ଗିର ୫୭ ନଂ ଜାତୀୟ ରାଜପଥର ବୌଦ୍ଧ ଥାନା ଅନ୍ତର୍ଗତ ମର୍ଜାପୁରଠାରେ ଏକ କଣ୍ଟେନରକୁ ଅତିକ୍ରମ କରିବା ସମୟରେ କାର୍ଟି କଣ୍ଟେନର ସହ ପିଟି ହେବାରୁ କାର୍ରେ ଥିବା ଜଣେ ଯୁବକଙ୍କ ମୃତ୍ୟୁ ହୋଇଛି । ବୌଦ୍ଧ ଆଦର୍ଶ ଥାନା ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ସୂଚନା ଅନୁସାରେ, ସୋମବାର ରାତିରେ ଦଶପଲ୍ଲା ନାହାକପଡାର ତିନି ଜଣ ବନ୍ଧୁ ଅନ୍ୟ ଜଣେ ବନ୍ଧୁଙ୍କୁ ସାକ୍ଷାତ କରିବାକୁ କାର୍ରେ ଭବାନୀପାଟଣା ଯାଉଥିଲେ । ମର୍ଜାପୁର ନିକଟରେ ସାମ୍ନାରେ ଯାଉଥିବା ଏକ କଣ୍ଟେନରକୁ ଓଭରଟେକ୍ କରିବା ସମୟରେ କାର୍ଟି ସାମାନ୍ୟ ପିଟି ହୋଇଥିଲା । ଫଳରେ କାର୍ରେ ବସିଥିବା ଆକାଶ ବେହେରା(୨୮)ଙ୍କ ମୁଣ୍ଡରେ ଆଘାତ ହେବା ଯୋଗୁଁ ମୃତ୍ୟୁ ହୋଇଥିବା ଜଣାପଡିଛି । ଦୁର୍ଘଟଣା ପରେ କଣ୍ଟେନରଟି ଫେରାର ହୋଇଯାଇଥିବା ଜଣାପଡିଛି ।