ପାଟଣାଗଡ, (ଗୋରେଖନାଥ ବରିହା) : ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ଚଙ୍ଗରିଆ ପଞ୍ଚାୟତ କାର୍ୟ୍ୟାଳୟ ପରିସରରେ ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି । ଏଥିରେ ସରପଞ୍ଚ ସୁଶୀଳ କୁମାର ଗୁରୁ ମୁଖ୍ୟ ଅତିଥି ଭାବେ ଯୋଗଦେଇ ଗାନ୍ଧୀଙ୍କ ଫୋଟୋଚିତ୍ରରେ ଦୀପ ପ୍ରଜ୍ଜଳନ ସହ ପୁଷ୍ପାଞ୍ଜଳୀ ଅର୍ପଣ କରିଥିଲେ । ସରପଞ୍ଚ ଶ୍ରୀ ଗୁରୁ ମାହାତ୍ମାଗାନ୍ଧୀଙ୍କ ଜୀବନୀ ଉପରେ ଆଲୋକପାତ କରିବା ସହ ସ୍ଵଚ୍ଛଭାରତ, ଅଂହିସାନୀତିରେ ଦେଶ ପାଇଁ ସ୍ଵାଧୀନତା ଆଣିଥିଲେ, ତେଣୁ ଆମେ ମାହାତ୍ମାଗାନ୍ଧୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ କାମ କରିବାକୁ ମତବ୍ୟକ୍ତ କରିଥିଲେ । ଏଥିରେ ସମସ୍ତ ୱ।ର୍ଡ ମେମ୍ବର, ଜିଆରଏସ, ଗାଁ ସାଥୀ, ଏସିଏମ, ସେଲ୍ସ୍ମ୍ୟାନ ଯୋଗ ଦେଇଥିବା ବେଳେ କାର୍ୟ୍ୟ ନିର୍ବାହୀ ଅଧିକାରୀ ରାଧେଶ୍ୟାମ ମେହେର କାର୍ଯ୍ୟକ୍ରମ ପରିଚାଳନା କରିଥିଲେ ।