ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲସ୍ଥିତ ଯମୁନା କାନ୍ଧୁଣୀ ବାଳିକା ଉଚ୍ଚ ବିଦ୍ୟାଳୟକୁ ବିଜେପୁର ବ୍ଲକ ଶିକ୍ଷା ଅଧିକାରୀ ସୁରେଶ କୁମାର ରାଉତ ରାୟ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ରାଧେଶ୍ୟାମ ମେହେର, ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସୁଶାନ୍ତ ସାହୁ ପରିଦର୍ଶନ କରିଥିଲେ । ବିଦ୍ୟାଳୟର ବାଳସଭାରେ ଅଂଶଗ୍ରହଣ କରି ପିଲାମାନଙ୍କ ସଭା ପରିଚାଳନା ସହିତ ନୃତ୍ୟ, ସଂଗୀତ, ବକ୍ତୃତା ଦେଖିଥିଲେ । ବିଇଓ ଶ୍ରୀ ରାଉତରାୟ ଛାତ୍ରୀମାନଙ୍କୁ ଉତ୍ସାହିତ କରିବା ସହିତ ବାଳସଭା ବିଦ୍ୟାଳୟରେ ହେବା ଦ୍ୱାରା ପିଲାମାନଙ୍କ ଅନ୍ତଃର୍ନିହିତ ବିକାଶ ପରିପ୍ରକାଶ ହୋଇଥାଏ ବୋଲି କହିଥିଲେ । ପ୍ରଧାନ ଶିକ୍ଷକ ଶ୍ରୀ ସାହୁ ତାଙ୍କ ବିଦ୍ୟାଳୟରୁ ଆସିଥିବା ଛାତ୍ରୀମାନେ ଏହି ବିଦ୍ୟାଳୟରେ ଅଧ୍ୟୟନ କରି କିପରି କୃତିତ୍ୱ ହାସଲ କରୁଛନ୍ତି କହିବା ସହିତ ଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଶେଷରେ ବିଇଓ ଓ ପ୍ରଧାନ ଶିକ୍ଷକଙ୍କୁ ବିଦ୍ୟାଳୟର ସମସ୍ତ କର୍ମଚାରୀ ଶ୍ରୀ ଶ୍ରୀ ନୃସିଂହନାଥ ଭଗବାନଙ୍କ ଫଟୋ ପ୍ରଦାନ ସହିତ ବନ୍ଦେ ମାତାରମ୍ ସଂଗୀତ ଗାନ କରି ‘ବାଳସଭା’ ସମ୍ପୂର୍ଣ୍ଣ କରାଯାଇଥିଲା ।