ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ୭୬ତମ ସ୍ୱାଧୀନତା ଦିବସ ଅବସରରେ ଛତ୍ରପୁର ବ୍ଲକ ଅନୁସୂଚିତ ଜାତି ଓ ଜନଜାତି ମିଳିତ ଶିକ୍ଷକ ସଂଘ ତରଫରୁ ସ୍ୱାଧୀନତାର ଅମୃତ ମହୋତ୍ସବ ପାଳନ ପୂର୍ବକ ଏକ ନିଆରା ଢଙ୍ଗରେ, ଭିନ୍ନ ସ୍ୱାଦରେ ଏହି ଦିବସର ଖୁସି ମନେଇଛନ୍ତି । ଯାହାକି ଛତ୍ରପୁର ଉପଖଣ୍ଡ ହସ୍ପିଟାଲରେ ଚିକିତ୍ସାଧୀନ ରୋଗୀଙ୍କ କଲ୍ୟାଣର୍ଥେ ରୋଗୀଙ୍କୁ ଫଳ ଓ ପାଉଁରୁଟି ବଣ୍ଟନ କରି ପ୍ରଶଂସନୀୟ କାର୍ଯ୍ୟ କରିଛନ୍ତି । ସଂଘର ସଭାପତି ଶିକ୍ଷକ ରବିନାରାୟଣ ବେହେରା, ସମ୍ପାଦକ ନିରଞ୍ଜନ ପ୍ରଧାନ, କୋଷାଧ୍ୟକ୍ଷ କମଳ ବେହେରା, ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକ ଅଜିତ ସେଠୀ, ରାମ ପ୍ରଧାନ ପ୍ରମୁଖ ଏହି ରୋଗୀ କଲ୍ୟାଣ କାର୍ଯ୍ୟକରି ସମସ୍ତଙ୍କର ଚର୍ଚ୍ଚାକୁ ଆସିଛନ୍ତି ।