ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁର ଡାକମଣ୍ଡଳ ତରଫରୁ ବ୍ରହ୍ମପୁର କେନ୍ଦ୍ରୀୟ ବିଦ୍ୟାଳୟଠାରେ ସ୍କୁଲ ଫିଲେଥେଲିକ କ୍ଲବର ଶୁଭାରମ୍ଭ କରାଯାଇଛି । ସ୍କୁଲର ଅଧ୍ୟକ୍ଷ ବିଘ୍ନେଶ୍ୱର ପଟ୍ଟନାୟକଙ୍କ ପୌରାହିତ୍ୟରେ ଆୟୋଜିତ ଉଦ୍ଘାଟନୀ ସଭାରେ ଯଥାକ୍ରମେ ମୁଖ୍ୟ ଅତିଥି ଓ ସମ୍ମାନିତ ଅତିଥି ବ୍ରହ୍ମପୁର ବରିଷ୍ଠ ଡାକ ଅଧିକ୍ଷକ ତାରିଣୀ ଚରଣ ପାଢ଼ୀ ଓ ସହଅଧିକ୍ଷକା କିରଣ ମାଳା ପଣ୍ଡା ଯୋଗ ଦେଇଥିବା ବେଳେ ବକ୍ତା ରୂପେ ଦକ୍ଷିଣ ଓଡିଶା ଫିଲେଥେଲିଷ୍ଟ ଆସୋସିଏସନର ବରିଷ୍ଠ ସଭ୍ୟ ଦିଲୀପ କୁମାର ପଣ୍ଡା ଓ ଭେଙ୍କଟ ରାଓ ଯୋଗ ଦେଇ ଡାକ ଟିକଟ ସଂଗ୍ରହର ଉପାଦେୟତା, ଡାକ ବିଭାଗ ତରଫରୁ ଆୟୋଜିତ ହେଉଥିବା ଦିନଦୟାଲ ସ୍ପର୍ଶ ମେଧାବୃତ୍ତି ପରୀକ୍ଷା, ଢ଼ାଇ ଅକ୍ଷର ପତ୍ରଲିଖନ ପ୍ରତିଯୋଗିତା ଓ ବିଭିନ୍ନ ସମୟରେ ହେଉଥିବା ଫିଲେଥେଲିକ କୁଇଜ୍ ପ୍ରତିଯୋଗିତା, ଚିତ୍ରାଙ୍କନ ପ୍ରତିଯୋଗିତା ପ୍ରଭୃତିରେ ଭାଗ ନେବାକୁ ଛାତ୍ରଛାତ୍ରୀମାନଙ୍କୁ ପ୍ରେରଣା ଦେଇଥିଲେ । ଏହି ଅବସରରେ କେନ୍ଦ୍ରୀୟ ବିଦ୍ୟାଳୟର ଲଗୋର ମାଇଁ ଷ୍ଟାମ୍ପ ଫିଲେଥେଲିକ ଆଲ୍ବମ୍ ସ୍କୁଲ ଫିଲେଥେଲିକ କ୍ଲବକୁ ଡାକ ବିଭାଗ ତରଫରୁ ଛାତ୍ରଛାତ୍ରୀମାନଙ୍କ ଅଧ୍ୟୟନ ଓ ଅନୁଶୀଳନ ପ୍ରଦାନ କରାଯାଇଥିଲା । ପୋଷ୍ଟାଲ ବିଜିନେସ ଏକ୍ଜୁକ୍ୟୁଟିଭ୍ ଗୌର ହରି ପଣ୍ଡା ଛାତ୍ରଛାତ୍ରୀମାନଙ୍କୁ ଫିଲେଥେଲିକ ଆକାଉଣ୍ଟ ଖୋଲିବା ଓ ନିଜ ନିଜର ମାଇଁ ଷ୍ଟାମ୍ପ କରିବା ସକାଶେ ଅନୁରୋଧ କରିଥିଲେ ।
ସ୍କୁଲ ଫିଲେଥେଲିକ କ୍ଲବ ସଭାପତି ତଥା ଅଧ୍ୟକ୍ଷଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ସହକାରୀ ଶିକ୍ଷକ ଡକ୍ଟର ନରେନ୍ଦ୍ର ମେହେର, ପ୍ରଭାକର ବେହେରା ଓ ଗ୍ରନ୍ଥଗାରିକ ନଳିନୀ ରଞ୍ଜନ ଦାଶ କ୍ଲବ କମିଟିର ସଦସ୍ୟ ରୂପେ ମନୋନିତ ହୋଇଥିଲେ । କାର୍ଯ୍ୟକ୍ରମରେ ସ୍କୁଲର ସବୁ ଶିକ୍ଷକ ଶିକ୍ଷୟତ୍ରୀ ସହଯୋଗ କରିଥିବା ବେଳେ ଡକ୍ଟର ମେହେର ସଂଯୋଜନା କରିଥିଲେ ଓ ଏକ ଶହରୁ ଅଧିକ ଛାତ୍ରଛାତ୍ରୀ ଯୋଗ ଦେଇଥିଲେ ।