ସୁକତେଲ ପ୍ରଭାବିତ ଖୁଣ୍ଟପାଲିରେ ରଥଯାତ୍ରା ନିମନ୍ତେ ପ୍ରସ୍ତୁତି

ଚୁଡାପାଲି : ସଦର ବ୍ଲକ ଖୁଣ୍ଟପାଲିଠାରେ ଚଳିତ ବର୍ଷ ରଥଯାତ୍ରା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଚଳିତ ବର୍ଷ ଗ୍ରାମର ଅର୍ଦ୍ଧାଧିକ ଲୋକ ଲେୟର ସୁକତେଲ ପ୍ରକଳ୍ପ ଦ୍ୱାରା ପ୍ରଭାବିତ ହୋଇ ବଲାଙ୍ଗିର ଲର୍କିପାଲି ମୌଜା ଓ ଅନ୍ୟାନ୍ୟ ସ୍ଥାନକୁ ଥଇଥାନ ପାଇଁ ବିସ୍ଥାପିତ ହୋଇଛନ୍ତି । ଏବେ ବି ଅନେକ ପରିବାର ସେଠରେ ରହିଛନ୍ତି । ଲର୍କିପାଲି ସ୍ଥିତ ପୁନଃବସତି ଓ ଥଇଥାନ କଲୋନୀରେ ଏ ପର୍ଯ୍ୟନ୍ତ କୌଣସି ମନ୍ଦିର ତିଆରି ହୋଇନଥିବାରୁ ଚଳିତ ବର୍ଷ ଖୁଣ୍ଟପାଲି ଗ୍ରାମରେ ହିଁ ରଥଯାତ୍ରା ପାଳନ କରିବାକୁ ନିଷ୍ପତ୍ତି ହୋଇଥିଲା । ବୈଠକରେ ଜଗନ୍ନାଥ ମନ୍ଦିରର ମୁଖ୍ୟ ପୂଜକ ଅଭିମନ୍ୟୁ ମିଶ୍ରଙ୍କ ସହିତ ଚମାର ଧରୁଆ, ଜଗଦିଶ ଧରୁଆ, ମନୋଜ ଖୁଆସ, ରାଜେଶ ବୁଦ୍ଧିଆ, ବନମାଳୀ ଖୁଆସ, ଲକ୍ଷ୍ମୀଧର ପ୍ରଧାନ, କ୍ଷେତ୍ର ପ୍ରଧାନ, ତଳା କର୍ଣ୍ଣ ଧରୁଆ, ଲକ୍ଷୀନ୍ଦ୍ର ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।