- ଭାରତୀୟ ବାୟୋ-ଅର୍ଥନୀତି ଗତ ଆଠ ବର୍ଷରେ ଆଠ ଗୁଣ ବୃଦ୍ଧି ପାଇଛି ।
- ଆମେ ୧୦ ବିଲିୟନ ଡଲାରରୁ ୮୦ ବିଲିୟନ ଡଲାର ପର୍ୟ୍ୟନ୍ତ ବଢ଼ିଛୁ ।
- ବିଶ୍ୱର ବାୟୋଟେକ ବାତାବରଣ ପ୍ରଥମ ଦଶଟି ଦେଶ ମଧ୍ୟରେ ପହଂଚିବାକୁ ଭାରତ ବେଶୀ ପଛରେ ନାହିଁ ।
- ଆମେ ବାୟୋଟେକ କ୍ଷେତ୍ର ଓ ଏହାର ବୃତ୍ତିଧାରୀଙ୍କୁ ଏକା ଭଳି ସମ୍ମାନ ଦେଇଛୁ ଯାହା ଗତ ଦଶନ୍ଧିଗୁଡ଼ିକରେ ଆମେ ଆଇଟି ବୃତ୍ତିଧାରୀମାନଙ୍କୁ ଦେଇଥିଲୁ ।
- ସବକାସାଥ, ସବକା ବିକାଶ ମନ୍ତ୍ର ଦେଶର ବିଭିନ୍ନ କ୍ଷେତ୍ରରେ ଲାଗୁ ହୋଇଛି ।
- ବର୍ତ୍ତମାନ ସରକାର ସବୁ କ୍ଷେତ୍ରକୁ ସମାନ ଦୃଷ୍ଟି ଦେଉଛନ୍ତି ।
- ଆଜି ଦେଶର ୬୦ ବିଭିନ୍ନ ପ୍ରକାର ଶିଳ୍ପରେ ୭୦ ହଜାର ଷ୍ଟାର୍ଟଅପ ରହିଛି ।
- ସେଥିରୁ ପ୍ରାୟ ପାଞ୍ଚ ହଜାରରୁ ଅଧିକ ବାୟୋଟେକ ସହ ସଂଶ୍ଳିଷ୍ଟ ଅଛନ୍ତି ।
- କେବଳ ଗତ ବର୍ଷ ଦେଶରେ ୧୧୦୦ ବାୟୋଟେକ ଷ୍ଟାର୍ଟଅପ ବାହାରିଛନ୍ତି ।
- ସବକା ପ୍ରୟାସ ଉତ୍ସାହ ଭରିଦେବା ବେଳେ ସରକାର ଶିଳ୍ପର ସବୁଠାରୁ ବିଦ୍ୱାନମାନଙ୍କୁ ଗୋଟିଏ ମଞ୍ଚରେ ଏକାଠି କରିଛନ୍ତି ।
- ବାୟୋଟେକ କ୍ଷେତ୍ରର ସବୁଠାରୁ ଅଧିକ ଚାହିଦା ରହିଛି ।
- ଭାରତରେ ଭଲରେ ରହିବାର ଅଭିବୃଦ୍ଧି ଯୋଗୁଁ ଗତକିଛି ବର୍ଷ ମଧ୍ୟରେ ବାୟୋଟେକ କ୍ଷେତ୍ର ନିମନ୍ତେ ନୂତନ ସମ୍ଭାବନା ସୃଷ୍ଟି ହୋଇଛି ।
ଭୁବନେଶ୍ୱର, (ପିଆଇବି) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପ୍ରଗତି ମୈଦାନ ଠାରେ ବାୟୋଟେକ୍ ଷ୍ଟାର୍ଟଅପଏକ୍ସେପୋ-୨୦୨୨ ଉଦଘାଟନ କରିଛନ୍ତି । ସେ ମଧ୍ୟ ବାୟୋଟେକ ଦ୍ରବ୍ୟ ଇ-ପୋର୍ଟାଲର ଆରମ୍ଭ କରିଛନ୍ତି । କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ, ଧର୍ମେନ୍ଦ୍ର ପ୍ରଧାନ, ଡକ୍ଟର ଜିତେନ୍ଦ୍ର ସିଂହ, ବାୟୋଟେକ କ୍ଷେତ୍ରର ଅଂଶୀଦାର, ବିଶେଷଜ୍ଞ, ପୁଞ୍ଜିଲଗାଣକାରୀ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ ।
ଏଥିରେ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଆମର ଜୈବ ଅର୍ଥନୀତିରେ ଆଠ ବର୍ଷରେ ଆଠ ଗୁଣ ବୃଦ୍ଧି ଘଟିଛି । ଆମେ ୧୦ ବିଲିୟନରୁ ୮୦ ବିଲିୟନ ଡଲାରରେ ପହଂଚିଛୁ । ବୈଶ୍ୱିକ ଜୈବ ପ୍ରଯୁକ୍ତି କ୍ଷେତ୍ରରେ ହୁଏତ ଖୁବ କମ ଦିନରେ ଆମ ଦେଶ ବିଶ୍ୱର ଶ୍ରେଷ୍ଠ ଦେଶ ମଧ୍ୟରେ ସ୍ଥାନ ପାଇବ ବୋଲି ସେ କହିଥିଲେ । ପ୍ରଧାନମନ୍ତ୍ରୀ ମଧ୍ୟ ଜୈବ ପ୍ରଯୁକ୍ତି ଶିଳ୍ପ ଗବେଷଣା ସହାୟତା ପରିଷଦ (ବିଆଇଆରଏସି)ର ଦେଶ ବିକାଶ କ୍ଷେତ୍ରରେ ଅବଦାନର ଉଲ୍ଲେଖ କରିଥିଲେ ପ୍ରଧାନମନ୍ତ୍ରୀ କହିଥିଲେ ଜୈବ ପ୍ରଯୁକ୍ତି ଶିଳ୍ପର ଅବଦାନ ଦେଶର ବିକାଶରେ ଖୁବ ଗୁରୁତ୍ୱପୂର୍ଣ୍ଣ ।
ବୈଶ୍ୱିକ ଦୃଶ୍ୟପଟ୍ଟରେ ୟୁରୋପୀୟ ବୃତ୍ତିଧାରୀଙ୍କ କ୍ରମ ବର୍ଦ୍ଧିଷ୍ଣୁ ଖ୍ୟାତି ସମ୍ପର୍କରେ ପ୍ରଧାନମନ୍ତ୍ରୀ କହିଥିଲେ ଯେ, “ଆମର ଆଇଟି ବୃତ୍ତିଧାରୀଙ୍କ କୌଶଳ ଓ ନୂଆ କିଛି କରି ଦେଖାଇବାର ଦକ୍ଷତା ଆଜି ବିଶ୍ୱରେ ନୂତନ ଶିଖର ଛୁଇଁଛି ।ଏହି ଦଶନ୍ଧିରେ ସେହି ଏକାଭଳି ବିଶ୍ୱାସ ଓ ଖ୍ୟାତିଦେଶର ଜୈବ ପ୍ରଯୁକ୍ତି କ୍ଷେତ୍ରରେ ଓ ବୃତ୍ତିଧାରୀଙ୍କ ମଧ୍ୟରେ ଦେଖିବାକୁ ମିଳିଲାଣି ।”