ବଲାଙ୍ଗିର, (କେପିଏନ୍ଏସ୍) : ଆଜି ବଲାଙ୍ଗିର ପୌର ପରିଷଦ ପକ୍ଷରୁ ଦୁଇଟି ସ୍ୱର୍ଗ ରଥର ଶୁଭ ଉଦ୍ଘାଟନ କରାଯାଇଛି । ପୌର ଅଧ୍ୟକ୍ଷା ଶ୍ରୀମତୀ ଲିକା ସାହୁ ଏହି ସ୍ୱର୍ଗ ରଥର ଉଦ୍ଘାଟନ କରିଥିଲେ । ପରେ ଏହି ଦୁଇଟି ସ୍ୱର୍ଗ ରଥକୁ ବିଙ୍ଗ ହ୍ୟୁମାନ ଫାଉଣ୍ଡେସନ ଏବଂ ବଲାଙ୍ଗିର ସ୍ୱେଚ୍ଛାସେବୀ ସଂଗଠନକୁ ଜନସେବା କାର୍ଯ୍ୟ ପାଇଁ ହସ୍ତାନ୍ତର କରାଯାଇଥିଲା । ଏହି ପଦକ୍ଷେପ ମାଧ୍ୟମରେ ମୃତ ବ୍ୟକ୍ତିଙ୍କ ପାର୍ଥିବ ଶରୀରକୁ ସମ୍ମାନର ସହ ଶ୍ମଶାନକୁ ନେବାରେ ସାଧାରଣ ଲୋକଙ୍କୁ ବହୁତ ସହାୟତା ମିଳିବ ବୋଲି କୁହାଯାଉଛି । ଉଦ୍ଘାଟନ ଅବସରରେ ପୌର କାର୍ଯ୍ୟନିର୍ବାହୀ ଅଧିକାରୀ, ପୌର ପରିଷଦର କାଉନ୍ସିଲରମାନେ ଓ ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ ।