ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ଥାନା ଅନ୍ତର୍ଗତ ସିଂହପୁର ପଂଚାୟତ କୁଟ୍ରୁପଲା ନିକଟରେ ଗତକାଲି ବିଳମ୍ବିତ ରାତ୍ରିରେ ଏକ ଟ୍ରକ ଭାରସାମ୍ୟ ହରାଇ ରାସ୍ତାକଡ଼ରେ ଓଲଟି ପଡ଼ିଥିବା ବେଳେ ନିଶ୍ଚିନ୍ତ ମୃତ୍ୟୁ ମୁଖରୁ ବଂଚିଯାଇଛନ୍ତି ଡ଼୍ରାଇଭର ଏବଂ ହେଲପର୍ । ତେବେ ସୂଚନା ମୁତାବକ କୁକୁଡ଼ା ଖାଦ୍ୟ ବୋଝେଇ ହେଇ ଏହି ଟ୍ରକ(ଏପି ୧୬ଟି ଡ଼ବ୍ଳ୍ୟୁ ୦୩୨୯)ଟି ବଲାଙ୍ଗିର ସୀମାନ୍ତ ଇଲାକା ଦେଇ କଳାହାଣ୍ଡି ହେଇ ଆନ୍ଧ୍ରପ୍ରଦେଶ ଯାଉଥିବା ବେଳେ କୁଟ୍ରୁପଲା ନିକଟରେ ଦୁର୍ଘଟଣା ଘଟିଥିବା ଜଣାଯାଇଛି । ଦୁର୍ଘଟଣାରେ କେହି ଆହତ ହେଇନଥିବା ଜଣାଯାଇଛି ।