କୃଷକ ଆନ୍ଦୋଳନ : କୃଷକମାନଙ୍କୁ ମନାଇବା ପାଇଁ ଆଜିର ପଂଚମ ପର୍ଯ୍ୟାୟ ଆଲୋଚନା

ନୂଆଦିଲ୍ଲୀ : ଦିଲ୍ଲୀର ବିଭିନ୍ନ ସୀମାରେ ପ୍ରାୟ ଏକ ସପ୍ତାହ ଧରି ତିନୋଟି ନୂତନ କୃଷି ନିୟମ ବିରୁଦ୍ଧରେ କୃଷକଙ୍କ ଆନ୍ଦୋଳନ ଜାରି ରହିଛି । ଏହି ସମୟରେ ସରକାର ପୁଣି ଥରେ ଚାଷୀଙ୍କୁ ମନାଇବା ପାଇଁ ଚେଷ୍ଟା ଚଳାଇଛ‌ନ୍ତି । ଆଜି ସରକାର ଏବଂ କୃଷକ ନେତାଙ୍କ ମଧ୍ୟରେ ପଞ୍ଚମ ରାଉଣ୍ଡ ଆଲୋଚନା ହେବ। ଏହି ବୈଠକରେ କିଛି ନିଷ୍ପତ୍ତି ନିଆଯାଇପାରେ ବୋଲି ବିଶ୍ୱାସ କରାଯାଉଛି । କାରଣ ୩ ଡିସେମ୍ବରରେ ଅନୁଷ୍ଠିତ ଶେଷ ବୈଠକ ପରେ କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ଚାଷୀଙ୍କ ଅନେକ ଦାବୀକୁ ବିଚାରକୁ ନେଇ ବିଶ୍ୱାସ ଦେଇଛନ୍ତି । ତେବେ କୃଷକଙ୍କ ପକ୍ଷରୁ ଏହା ସ୍ପଷ୍ଟ ଭାବେ କୁହାଯାଇଛି ଯେ, ଯଦି ସରକାର ସେମାନଙ୍କ ଦାବୀକୁ ଗ୍ରହଣ ନକରନ୍ତି ତେବେ ଆନ୍ଦୋଳନ ଆହୁରି ଜୋରଦାର ହେବ ।

ତେବେ ଆଜି ସରକାରଙ୍କ ସହ ବୈଠକର ଗୋଟିଏ ଦିନ ପୂର୍ବରୁ କୃଷକ ସଂଗଠନ ଡିସେମ୍ବର ୮ ରେ ‘ଭାରତ ବ‌ନ୍ଦ’ ଘୋଷଣା କରିଛନ୍ତି । ଯଦି ସରକାର ସେମାନଙ୍କ କଥା ନ ଶୁଣନ୍ତି, ତେବେ ଜାତୀୟ ରାଜଧାନୀରେ ପହଞ୍ଚୁଥିବା ଅଧିକ ରାସ୍ତା କୃଷକମାନେ ବନ୍ଦ କରିବେ ବୋଲି କୁହାଯାଇଛି । ଏହି ନୂତନ କୃଷି ଆଇନକୁ ରଦ୍ଦ କରିବା ପାଇଁ କେନ୍ଦ୍ର ସରକାର ସଂସଦର ଏକ ସ୍ୱତନ୍ତ୍ର ଅଧିବେଶନ ଡକାଇବାକୁ ଦାବୀ କରିଛନ୍ତି ସେମାନେ । ସେମାନେ କହିଛନ୍ତି ଯେ, ନୂତନ ନିୟମରେ ସଂଶୋଧନ ନୁହେଁ, ଆଇନଗୁଡ଼ିକ ରଦ୍ଦ ହେଉ ।

Leave A Reply

Your email address will not be published.

nineteen + six =