ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲା ମହକୁମା ଛତ୍ରପୁର ବିଜ୍ଞାପିତ ଅଞ୍ଚଳ ପରିଷଦରର ଅଧ୍ୟକ୍ଷ ଆସନଟି ବିଜେପି ହାତକୁ ଚାଲି ଆସିଯିବକି, ଏକଥା ଚାରିଆଡ଼େ ଗୁଜବ ଗୁଞ୍ଜରୀତ କରୁଛି । କାହିଁକି ନା ଛତ୍ରପୁରର ଯୁବପିଢ଼ୀ, ସାଧାରଣ ନାଗରିକ, ବିଭିନ୍ନ ୱାର୍ଡର ଦମ୍ପତି, ମହିଳା ଓ ପୁରୁଷ ଗତକାଲି ଭାଜପା ପକ୍ଷରୁ ବାହାରିଥିବା ରାଲିରେ ଅଧିକମାତ୍ରାରେ ଯୋଗଦେଇଛନ୍ତି । ଅନେକ ମହିଳା ସ୍କୁଟି ଓ ପୁରୁଷ ଏବଂ ଯୁବପିଢ଼ୀ ବାଇକ୍ ରାଲିର ଶୋଭାଯାତ୍ରାରେ ବାହାରି ଛତ୍ରପୁର ସହର ପରିକ୍ରମା କରିଛନ୍ତି । ବିଜେପିର ଭୋଟ ପ୍ରଚାରରେ ସିନେ ତାରକା ଅମ୍ଲାନ କୁମାର ଏକ ଖୋଲାଯାନରେ ବାହାରି ଭୋଟରଙ୍କୁ ବେଶ ପ୍ରଭାବିତ କରିଛନ୍ତି । ୧୪ଟି ୱାର୍ଡର ପ୍ରତି ସାହିରେ ଅମ୍ଲାନ ବୁଲି ବୁଲି ଭୋଟରଙ୍କୁ ପ୍ରଭାବିତ କରିଛନ୍ତି । ବିଶାଳ ରାଲିରେ ସମାଜସେବୀ କେ.ଚନ୍ଦ୍ରଶେଖର ରେଡ୍ଡୀ ତାଙ୍କ ସହଧର୍ମିଣୀ ବିଜେପି ପୌର ଅଧ୍ୟକ୍ଷା ପ୍ରାର୍ଥିନୀ ଶର୍ମିଷ୍ଠା ପ୍ରଧାନ, ବିଜେପି ରାଜ୍ୟ ସଦସ୍ୟ ପ୍ରଶାନ୍ତ କର, ବିଭିନ୍ନ ୱାର୍ଡର ପ୍ରାର୍ଥୀ/ପ୍ରାର୍ଥିନୀଙ୍କ ସମେତ ବିଜେପି ନେତା, କର୍ମୀମାନେ ସ୍ଲୋଗାନ ଦେଇ ପ୍ରଚାର କରିଥିବା ବେଳେ ଡାକବାଜି ଯନ୍ତ୍ର ଧ୍ୱନି ଓ ଆତିସବାଜିରେ ସହର ପ୍ରକମ୍ପିତ ହୋଇ ଉଠିଥିଲା । ଛତ୍ରପୁର ସହରରେ ବିଜେପି ପକ୍ଷରୁ ସିନେ ତାରକା ଅମ୍ଲାନ କୁମାରଙ୍କ ପ୍ରଚାର ବେଶ ଜମିଛି । ଭୋଟରଙ୍କୁ ବହୁଳ ମାତ୍ରାରେ ପ୍ରଭାବିତ କରିଥିବା ଜଣାଯାଇଛି । ଯେହେତୁ ଅମ୍ଲାନ ଛତ୍ରପୁରର ଝିଅ ଭୂମିକାଙ୍କୁ ବିବାହ କରିଛନ୍ତି । ନିଜ ଶ୍ୱଶୁର ଘରକୁ ଆସି ଆତିଥ୍ୟ ସତ୍କାର ହୋଇ ପରେ ବିଜେପି ରାଲିରେ ଯୋଗଦେଇଛନ୍ତି, ଯାହା ଲୋକମାନେ ତାଙ୍କୁ ଦେଖି ଆତ୍ମ ବିଭୋର ହୋଇ ରାଲିରେ ବହୁସଂଖ୍ୟାରେ ଯୋଗ ଦେଇଥିବା ଜଣାଯାଇଛି ।